U ramkach fiestyvalu filmy naviedali bolš čym 30 tysiač čałaviek.
Ab hetym 9 listapada na ŭračystaj cyrymonii zakryćcia XIX Minskaha mižnarodnaha kinafiestyvalu «Listapad» paviedamiŭ staršynia žury asnoŭnaha konkursu hulniavoha kino, režysior Andrej Źviahincaŭ.Hran-pry «Zołata «Listapada» za najlepšy film prysudžany karcinie «U tumanie» režysiora Siarhieja Łaźnicy, źniataj pavodle adnajmiennaj apovieści Vasila Bykava.
Taksama na cyrymonii zakryćcia ŭ Małoj zale Pałaca Respubliki byli abjaŭlenyja pieramožcy ŭ inšych naminacyjach.
Pryz prezidenta Biełarusi «Za humanizm i duchoŭnaść u kino» atrymaŭ Alaksandr Karpiłoŭski — režysior karciny «Pryvatnaje pijanierskaje» (Rasija).
Uručajučy śpiecyjalny pryz Minskaha haradskoha vykanaŭčaha kamiteta — pryz simpatyj hledačoŭ («Bronzu «Listapada») karcinie «Viełasipied majho baćki» (Polšča), mer stalicy Mikałaj Ładućka adznačyŭ: «Mnie vielmi pryjemna paviedamić vam, što sioleta absalutnaja bolšaść filmaŭ prajšła pry anšłahu. U kinateatrach horada nie chapała miescaŭ dla vialikaj kolkaści achvotnych ubačyć kino. Ja chaču padziakavać minskamu hledaču za takuju cikavaść da kinamastactva. Kinafiestyval „Listapad“ stanovicca bolš efiektyŭnym hod ad hodu.
Sioleta filmy ŭ ramkach kinafiestyvalu naviedała bolš čym 30 tysiač čałaviek!»
Pryz «Za najlepšuju režysuru» atrymaŭ Vasil Siharaŭ (film «Žyć», Rasija). Pryz «Za lepšuju apieratarskuju rabotu imia Ju.A Maruchina» dastaŭsia Aadelu
Pryz «Sierabro «Listapada» ŭ naminacyi «Film jak źjava mastactva» atrymała karcina «Za pahorkami» Kryścijana Mundžu (Rumynija, Francyja, Bielhija).
Pryz «Za najlepšuju žanočuju rolu» rašeńniem mižnarodnaha žury byŭ prysudžany Jani Trajanavaj i Volzie Łapšynoj (film «Žyć»). Pryz «Za lepšuju mužčynskuju rolu» atrymaŭ Michaił Mieschi (film «Apiakun» Zazy Urušadze, Hruzija). Śpiecyjalny dypłom žury «Za aktualnaść temy i dakładnaść kinamovy» prysudzili filmu «Paśla Łusii» Mičel Franka (Mieksika).
Brat biełaruskaj karalevy pryhažości trapiŭ u reanimacyju ŭ Azierbajdžanie4
Brat biełaruskaj karalevy pryhažości trapiŭ u reanimacyju ŭ Azierbajdžanie
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary