Futbolny kłub «Łos-Andželes Hełaksi» abviaściŭ u paniadziełak, što apošniaja hulnia byłoha kapitana zbornaj Anhlii Devida Bekchema z kamandaj budzie suprać «Chjustana» (čempijanat ZŠA) 1 śniežnia.
«Ja pravioŭ nievierahodny čas za «Hełaksi», adnak ja chacieŭ atrymać jašče adzin šaniec pierad zaviaršeńniem majoj hulniavoj karjery», skazaŭ Bekchem. «Ale ja nie razhladaju heta jak kaniec majoj karjery ŭ amierykanskaj Lizie».
Na minułym tydni Bekchem abvierh paviedamleńnie, što jon zatym budzie hulać u Aŭstralii.Jon časta kazaŭ, što jon chacieŭ by zastacca ŭ ZŠA, u kamandzie MLS [Amierykanskaj lizie sokiera].
«Hełaksi» zrabiŭ vialikuju siensacyju ŭ 2007 h., kali anansavaŭ, što adzin z samych papularnych futbalistaŭ śvietu pahadziŭsia na piacihadovy kantrakt z kalifarnijskim kłubam. Paśla taho, jak «Hełaksi» ŭ 2011 h. zavajavaŭ Kubak MLS, Bekchem pahadziŭsia na pradaŭžeńnie na dva hady z kamandaj.
Devid Bekchem pravioŭ 12 siezonaŭ za «Mančestar Junajted» u anhlijskaj prem'jer-lizie i vyjhraŭ šeść tytułaŭ čempijona Prem'jer-lihi .
U 2003 h. jon pierajšoŭ u madrydski «Reał», staŭ čempioinam Ispanii. Hulajučy za «Hełaksi» Bekchem niejki čas byŭ u arendzie ŭ «Miłanie».
Najlepšyja hały Devida Bekchema za MIU, «Reał», «Hełaksi», zbornuju Anhlii. Majstar štrafnoha
Pastar Hrem na «Čyžoŭka-arenie» paprasiŭ malicca za Łukašenku i Pucina. A sam maliŭsia za Trampa55
Kamientary