13 traŭnia spaŭniajecca 90 hadoŭ z momantu pieršaha abjaŭleńnia Maci Božaj trom dzieciam‑pastuškam: Lucyi, Francišku i Žasincie, jakoje adbyłosia ŭ Partuhalii, niepadalok ad Facimy, u 1917 hodzie. Z hetaj nahody ŭ śviatyniach Biełarusi projduć uračystyja nabaženstvy.
13 maja 2007 h. spaŭniajecca 90 hadoŭ z momantu pieršaha abjaŭleńnia Maci Božaj trom dzieciam‑pastuškam: Lucyi, Fransišku i Žasincie, jakoje adbyłosia ŭ Partuhalii, niepadalok ad Facimy, u 1917 h. Z nahody jubileju u mnohich śviatyniach Biełarusi projduć uračystyja nabaženstvy.
12 maja ŭ Hrodnie ŭ katedralnaj bazylicy śviatoha Franciška Ksaveryja Hrodzienski biskup Alaksandr Kaškievič pieradaść kardynału Kazimiru Śviontku fihuru Maci Božaj Facimskaj, jakuju Jaho Eminencyja pryviez z Facimy, dzie sustrakaŭsia ź siastroju Lucyjaj. Hetaja fihura, jakaja niekalki hadoŭ pierehrynavała pa ŭsioj Biełarusi, 13 maja budzie ŭračysta ŭniesiena ŭ pinskuju katedru, kab tam nazaŭsiody zaniać svajo pačesnaje miesca, dzie vierniki buduć ušanoŭvać Najśviaciejšuju Baharodzicu i ŭznosić praź Jaje zastupnictva svaje malitvy.
U Viciebskaj dyjacezii asablivyja ŭračystaści projduć u Šumilinie, dzie parafija nosić tytuł Maci Božaj Facimskaj. U Minska‑Mahiloŭskaj archidyjacezii u parafii Maci Božaj Facimskaj u Žodzinie napiaredadni ŭračystaści projdzie malitoŭnaje čuvańnie. U noč z 12 na 13 maja u minskim archikatedralnym kaściole Imia Najśviaciejšaj Panny Maryi taksama adbudziecca čuvańnie, u jakim prymuć udzieł vierniki i pradstaŭniki maryjnych ruchaŭ: Misii Maci Božaj Facimskaj i Lehijonu Maryi.
Bolš padrabiazna pra Facimskija abjaŭleńni možna pračytać u časopisie «Ave Maria» № 5 (145) za 2007 h., a taksama ŭ knizie Antonio Barelli «Facimskaja viestka: trahiedyja ci nadzieja?».
Prapahandysty zapeŭnivajuć, što 196 palitviaźniaŭ užo na svabodzie9
Kamientary