Chakiery papłacilisia za ataki na sajt Biełaruska-amerykanskaha zadzinočańnia.
Sajt BAZA byŭ uzłamany šmat razoŭ za apošni hod. Tyja, chto atakavaŭ sajt, zaŭsiody pakidali nadpisy na tureckaj movie, a ŭ apošni raz zrabili tak, što kali naviedvalniki sprabavali zachodzić na sajt www.baza-belarus.org, to maleńki script, jaki chakiery ŭžyvlali ŭ pieršy artykuł, pieranakiroŭvaŭ usich naviedvalnikaŭ na sajt zhurtavańnia chakieraŭ http://www.cyber-riot.org/HACKED.
Analiz sytuacyi i apošnich atak pakazaŭ, što jany byli mahčymy z-za taho, što dla sajtu BAZA vykarystoŭvałasia staraja sistema kiravańnia sajtam phpNuke. Infarmacyja pra dzirki ŭ systemie biaśpieki svabodna dastupnaja ŭ siecivie.
Vychadam z hetaha stanovišča była b zamiena systemy kiravańnia sajta na bolš novuju, u jakoj systema biaśpieki bolš nadziejnaja. Na žal, šmatlikija prapanovy dapamohi ad siabroŭ Biełaruskaha Maładziovaha Ruchu kiraŭnictvam BAZA tak i nie byli pryniatyja.
Bałaruski Maładziovy Ruch nia moh zastacca ŭbaku ad taho, što adbyvałasia, i zrabiŭ pryvatnaje raśśledavańnie, u vyniku jakoha byŭ zablakavany, a paźniej i adklučany sajt chakieraŭ, jakija šmat razoŭ atakavali sajt biełaruskaj arhanizacyi. Nami było vyśvietlena, što kampanija, jakaja pradastaŭlała chostynh www.cyber-riot.org, znachodzicca ŭ ZŠA. Siabry Biełaruskaha Maładziovaha Ruchu ŭ Amierycy źviarnulisia da kiraŭnictva hetaj kampanii (www.hopone.net) z patrabavańniem začynić chakierski sajt, što i było zroblena.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha123
Kamientary