Siońnia padčas naviedańnia Bieraścia Alaksandar Łukašenka vykazaŭsia nakont skasavańnia lhotaŭ i biełaruska‑rasiejskich adnosinaŭ.
Siońnia padčas naviedańnia Bieraścia Alaksandar Łukašenka vykazaŭsia nakont skasavańnia lhotaŭ i biełaruska‑rasiejskich adnosinaŭ.
Alaksandar Łukašenka zajaviŭ, što raźvivajučy supracoŭnictva ź Iranam, Biełaruś nie addalajecca ad Rasiei. «Kali Rasieja zachoča, kab Biełaruś addaliłasia, to jana addalicca. Ale kali Rasieja choča, jak raniej, žyć razam, to my budziem žyć razam. Ale nia treba nas brać za horła» — zajaviŭ kiraŭnik Biełarusi padčas naviedvańnia Bieraścia.
Jon patłumačyŭ, što pry najaŭnaści inšych krynicaŭ enerhii «nielha budzie, schapiŭšysia za hazavy ci naftavy kran, kiravać Biełaruśsiu». Pavodle jaho, «treba prosta ŭsprymać dadzienaść, što Biełaruś źjaŭlajecca suverennaj niezaležnaj dziaržavaj, tut žyvie taki samy narod, jak u Rasiei».
Ci zdradzić prezydentu jahonaja apora?
«U nas nie padvysicca nijakaja sacyjalnaja temperatura», — zajaviŭ Alaksandar Łukašenka , adkazvajučy na pytańnie pra nastupstvy skasavańnia šerahu lhotaŭ.
Jon dadaŭ: «Heta praŭda, što apora prezydenta — heta pensijanery i ludzi stałaha vieku» i vykazaŭ upeŭnienaść, što jak by pensijanery ni kryŭdzilisia na jaho za skasavańnie lhotaŭ, «jany mnie nia zdradžvali i nia zdradziać».
Kiraŭnik dziaržavy padkreśliŭ, što «kali my chočam u siaredzinie žyćcia sychodzić na pensiju dy jašče i lhoty atrymlivać, to heta niemahčyma».
«Pa horadu treba pieški chadzić»
«Navošta, naprykład, studentu, jaki žyvie ŭ Bieraści, biaspłatny prajezd? Heta durata» — skazaŭ Łukašenka.
Jon adznačyŭ, što inšaharodnim studentam budzie dazvoleny lhotny prajezd dadomu i nazad da miesca vučoby. «A pa horadu treba pieški chadzić. A kali chočaš jeździć — płaci, takaja realnaść, my žyviem u rynkavaj ekanomicy, dyk čaho ž kryŭdzicca», — patłumačyŭ Łukašenka.
Pavodle jaho, «niemahčyma mieć u krainie 7.5 miljonaŭ ilhotnikaŭ». «Usie daŭno ŭžo hetuju prablemu vyrašyli, adny my zastalisia», «jašče z časoŭ Stalina ŭ nas ilhoty dziejničajuć».
Kiraŭnik dziaržavy padkreśliŭ, što ciapier raspracoŭvajecca ŭkaz prezydenta ab adrasnaj sacyjalnaj dapamozie.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda24
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1111
Kamientary