U Horadni adkryłasia vystava mastaka, skulptara Alesia Lipienia. Heta danina pamiaci ŭ hadavinu śmierci Lipienia. Amatary mastactva zmohuć pabačyć najlepšyja tvory Lipienia ŭ vystaŭnaj zali “Ŭ Tyzenhaŭza”.
Aleś Lipień byŭ adnym z samych patvažanych mastakoŭ Horadni. Jon pamior letaś na 81 hodzie žyćcia.
Vystavu padrychtavała žonka Alesia Lipienia spadarynia Alhierda pry dapamozie dački Aleny. Ich vielmi prasili ab hetym amatary mastactva.
Aleś Lipień pracavaŭ doŭhija hady ŭ “Hrodnaenerha” i paralelna zajmaŭsia mastactvam. Napačatku heta byŭ žyvapis, paśla – skulptura.
Raźbu i skulptury Alesia Lipienia možna pabačyć u Horadni, u šmat jakich rajonnych haradkach, a taksama muzejach. Vialikija karciny biełaruskich zamkaŭ raźjechalisia z Horadni pa ŭsim śviecie. Lipienievy skulptury biełaruskich klasykaŭ i zmaharoŭ za niezaležnaść znachodziacca ciapier u pryvatnych kalekcyjach i muzejach Biełarusi.
Praktyčna ŭsio žyćcio Aleś Lipień malavaŭ i vyrablaŭ skulptury ŭ svajoj kvatery. I tolki ŭ pensijnym vieku atrymaŭ majsterniu. Tam jon jašče bolš ščyravaŭ.
Letaś pierad śmierciu Aleś Lipień pačaŭ malavać svaju rodnuju chatu ŭ Borkach, ale tak i nia skončyŭ karciny – nia stała siły. Hetuju niezakončanuju pracu taksama siońnia zmohuć pabačyć naviedniki halerei “Ŭ Tyzenhaŭza”.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary