Dziesiacikłasnik adnoj ź siarednich škoł Žłobina byŭ zatrymany staličnymi pravaachoŭnikami ŭ Minsku: junak sprabavaŭ vyviezci za miažu dziaŭčat dla seksualnaj ekspłuatacyi.
Jak paviedamiŭ karespandentu «Źviazdy» vykonvajučy abaviazki načalnika hrupy infarmacyi i hramadskich suviaziaŭ HUUS Minharvykankama Alaksandr Łastoŭski, 17‑hadovy chłopiec źmieščany ŭ izalatar časovaha ŭtrymańnia. A prajaviŭ jon svaje «talenty» ŭ zusim niezvyčajnaj dla padletka spravie: školnik padrychtavaŭ hrupu minčanak, jakich chacieŭ dastavić u Maskvu, dzie ich čakała niezajzdrosnaja dola — ułahodžvać seksualnyja prychamaci klijentaŭ. Pavodle papiaredniaj infarmacyi, dziesiacikłasnik sa Žłobina časta haściavaŭ u Minsku, dzie ŭ jaho było šmat znajomych. U stalicy Rasiei ŭ jaho taksama byli peŭnyja suviazi: mały, dy ranni razznajomiŭsia ź ludźmi, jakija majuć dačynieńnie da niekatorych zabaŭlalnych maskoŭskich kłubaŭ. Apošnija i prapanavali jamu za peŭny pracent ad ździełki znajsci simpatyčnych seks‑rabyń dla pracy ŭ Maskvie. Vykarystoŭvajučy Internet, školnik sustrakaŭsia ź dziaŭčatami, jakich zmoh «vyłavić» na sajtach dla znajomstva. A potym u chod išło krasamoŭstva: havarlivy junak «zakałychaŭ» razmovami ab maskoŭskich vysokich zarobkach i pryhožym žycci piać minčanak, jakija dali jamu zhodu pajechać šukać sumniŭnaje ščaście. Adnak u apošni momant u spravu ŭmiašalisia pravaachoŭniki, jakija i zatrymali hora‑suteniora.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary