Mužčynskaja zbornaja Biełarusi blizkaja dla taho, kab patrapić na čempijanat Eŭropy‑2008 u Narvehiju.
Mužčynskaja zbornaja Biełarusi blizkaja dla taho, kab patrapić na čempijanat Eŭropy‑2008 u Narvehiju.
Za savieckimi časami biełaruskaja škoła handbołu była adnoj z najmacniejšych u śviecie. Mienski SKA niekalki razoŭ stanaviŭsia pieramožcam Kubku eŭrapiejskich čempijonaŭ, analahu siońniašniaj Lihi čempijonaŭ, a jaho hulcy składali kaściak zbornaj SSSR. Pieršyja hady niezaležnaści biełaruski handboł braŭ svajo za košt starych rezervaŭ. Nacyjanalnaja zbornaja Biełarusi hulała na čempijanacie Eŭropy‑1994 i čempijanacie śvietu‑1995. Z taho času biełarusy vybyli z suśvietnaj abojmy.
Niekalki razoŭ našy suajčyńniki mieli mahčymaść trapić na top‑turnir, ale ŭ vyrašalnych matčach prajhravali iślandcam (dvojčy), ukraincam i charvatam. Sioleta ŭ studzieni ŭ Bieraści naša kamanda pa čarzie pieramahła małdavan, kipryjotaŭ i słavakaŭ. Heta dało mahčymaść pry losavańni trapić na nia samaha mocnaha supiernika. Trapilisia švajcarcy.
U subotu ŭ Bieraści ŭ spartkompleksie «Viktoryja» biełarusy nie pakinuli haściam z alpijskaj krainy nijakich šancaŭ. Kamanda Spartaka Miranoviča presynhavała na praciahu matču i zasłužana pieramahła — 33:24. 9 hałoŭ pieravahi dastatkova, kab praz tydzień pačuvacca bolš‑mienš narmalna ŭ Švajcaryi. Matč u adkaz projdzie 17 červienia, pačatak a 15:15. Žyvuju tranślacyju budzie vieść telekanał «Ład».
Taksama hety matč zapomniŭsia viartańniem u zbornuju Siarhieja Harbaka, jaki źbiraŭsia pryniać rasiejskaje hramadzianstva. Harbok źmianiŭ rašeńnie paśla sustrečy z staršyniom handbolnaj federacyi Ŭładzimieram Kanaplovym.
Nie zmahli padtrymać mužskuju kamandu žančyny. Jany ŭ niadzielu ŭ Mahilovie pravodzili matč u adkaz z makiedonkami j pieramahli z roźnicaj u čatyry hały (25:21), ale hetaha akazałasia mała, bo pierad hetym u Skopji jany prajhrali z bolšaj roźnicaj u hałach (21:26).
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary