Novyja knihi, dasłanyja ŭ redakcyju

 Novyja knihi, dasłanyja ŭ redakcyju

U.Karatkievič. Apovieści. Vieršy: Dla dziaciej siaredniaha školnaha vieku / Mastak P.Dračoŭ. – Miensk: Mienskaja fabryka kalarovaha druku, 2000. – 368 s. – Nakład 5000 as. ISBN 985-454-077-4

Kniha vyjšła vialikim farmatam z załatymi litarami na vokładcy. U hetym falijancie, što pradajecca ŭ kniharniach za 6500 rub., źmieščany Karatkievičavy apovieści “Ładździa rospačy”, “Zbroja”, “Sivaja lehienda”. Pradmova da knihi napisana Ryhoram Baradulinym.

Ł.Rubleŭskaja. Bałahan: Vieršy / Biblijateka časopisa “Kałośsie”. – Połacak: Połackaje lada, 2000. – 56 s. – Nakład 100 as.

U zborniku paetki pakaleńnia “Tutejšych” - filazofskaja liryka apošnich hadoŭ.

V.Šnip. Čyrvony lichtar: Vieršy / Biblijateka časopisa “Kałośsie”. – Połacak: Połackaje lada, 2000. – 56 s. – Nakład 100 as.

Błatnyja ramansy i inšaja chulihanskaja liryka. Nie rekamendujecca dla čytańnia niepaŭnaletnim.

H.Lichtarovič. Dobry dzień, Biełaruś: Fotaalbom / Pradmova Ł.Ščamialova. – Miensk: Biełaruskaja asacyjacyja knihavydaŭcoŭ i kniharaspaŭsiudnikaŭ, 2000. – Nakład 5000 as.

Najlepšyja zdymki biełaruskich krajavidaŭ i pomnikaŭ dojlidztva, zroblenyja Hieorham Lichtarovičam, dapoŭnieny jahonymi vieršami. Adnak nia kožny zdoleje nabyć hety knižny skarb – kaštuje ažno 18 tysiač rub.

Ł.Drańko-Majsiuk. Miesta i Śviet / Mastak H.Hran. – Miensk: Hramadzkaje abjadnańnie “Biełaruskaje tavarystva “Kniha», 2000. – 248 s.: ił. – Nakład 1000 as. ISBN 985-6605-03-2

U knižcy-malutcy sabrany najlepšyja tvory Leanida Drańka-Majsiuka, napisanyja im u apošniaje dziesiacihodździe pra charastvo svajho maleńkaha Davyd-Haradka j vialikaha śvietu. Cana ŭ mienskich kniharniach – 2500 rub.

Paema “Taras na Parnasie”: Zdabytki i prablemy. Druhija litaraturna-krajaznaŭčyja čytańni, pryśviečanyja 25-j hadavinie adkryćcia Hienadziem Kisialovym asoby Kanstancina Vieranicyna, 19 listapada 1998 h., m. Haradok Viciebskaje vobłaści / Pad redakcyjaj Ł.Haravoha. – Haradok, 1999. – 48 s. – Nakład 260 as.

Ustalavańnie savieckaje ŭłady i supraciŭ balšavikom na Viciebščynie. Histaryčna-krajaznaŭčyja čytańni 29 listapada 1998 h., m. Viciebsk. – Haradok, 1999. – 48 s.

Istorija Biełarusi: Słovaŕ-spravočnik / Pod riedakcijej S.Dubienieckoho. – Miensk: Ekanampres, 2000. – 320 s. – Nakład 5100 as. ISBN 985-6479-22-3

Novy dapamožnik z historyi Biełarusi, chacia j vydadzieny pa-rasiejsku, źmiaščaje karysnyja tablicy j schiemy, što paspryjajuć lepšamu zasvajeńniu atrymanych na zaniatkach viedaŭ – pieradusim škalarom. Daviednik składajecca z raździełaŭ: karotki narys historyi Biełarusi, słoŭnik terminaŭ i paniatkaŭ, imiony ŭ biełaruskaj historyi, chranalohija.

Kołokoła vriemien: Popularnyj istoričieskij žurnał. Śpiecvypusk: Nieśviž – maleńkij Pariž. № 4, 2000. – Miensk, 2000. – 8 s.: ił. – Nakład 5000 as.

Karaciej dy źmiastoŭniej pra Niaśviž niama bolš nidzie – hetaja knižyca moža być zaŭždy karysnaja ŭ padarožžach u “maleńki Paryž”. Cana 300 rub., pradajecca ŭ šapikach “Biełsajuzdruku”.

Łechaim: Iz jevriejskoho folkłora / Sostavitieli E. Ioffie, H.Rieles. – Miensk: Uradžaj, 2000. – 389 s.: ił. – Nakład 5000 as. ISBN 985-04-0276-8

Možna tolki paškadavać, što hetaja kniha vyjšła nie pa-biełarusku. U joj vy znojdziecie kazki, bajki, chasydzkija historyi, pieśni, prykazki, prymaŭki, pokazki dy zyčeńni žydoŭ Siaredniaj Eŭropy. Cana – 3000 rub.

E.Kodier. Moj Francisk Skorina: Eśsie / Pierievod s anhlijskoho A.Novikova, H.Jermakova. – Miensk: Biełaruski knihazbor, 2000. – 72 s. – Nakład 5000 as. ISBN 985-6318-95-5

Amerykanski doktar E.Koder, pryjechaŭšy ŭpieršyniu ŭ Biełaruś u 1997 h., zacikaviŭsia postaćciu F.Skaryny, a hetaja kniha – jahonyja dumki j refleksii pra našaha pieršadrukara. Kaštuje 400 rub.

Padrychtavaŭ Viktar Muchin