Ad redakcyi
Kurapaty nie pavinny stać miescam aryštaŭ
U piatnicu skončylisia archiealahičnyja raskopki ŭ Kurapatach. Jak zaśviedčyŭ archieolah Aleh Ioŭ, u tym miescy, dzie planujecca pašyreńnie darohi, śladoŭ pachavańniaŭ nia znojdziena. Budaŭničyja pracy, što byli spynienyja na čas raskopak, adnoviacca, vidać, siońnia abo zaŭtra. Aktyvistka hramadzkaj inicyjatyvy “Za vyratavańnie memaryjału Kurapaty” Iryna Žychar kaža, što ichnaja arhanizacyja budzie namahacca dasiahnuć z uładami nastupnaj damovy: budaŭniki harantujuć stvareńnie memaryjału ŭ Kurapatach, i tady hramadzkaść pahadžajecca na adnaŭleńnie budaŭničych rabotaŭ. Ale siabry Maładoha Frontu, Biełaruskaj Partyi Svabody i “Zubra”, jakija ŭžo treci tydzień vartujuć Kurapaty, sychodzić nie źbirajucca.
Naŭrad ci heta mudraja zaciataść. Da pratestaŭ hramadzkaści prysłuchalisia. Vachta moładzi ŭ Kurapatach nie była daremnaju. Dziaržaŭnyja instancyi abaviazalisia paskoryć stvareńnie memaryjału. Plac kala darohi pravieryli. Śviatyja kostki niavinna zamučanych nichto nie patryvožyć. Kab upeŭnicca ŭ hetym, varta było mučycca try tydni na pakroŭskim choładzie. Moładź zrabiła śviatuju spravu.
Hałoŭnaje ciapier — prasačyć, kab budaŭniki nie adchilalisia ad budaŭničaha placu. A taksama — dalej rupliva stvarać memaryjał na Kurapackaj hary. Aśviačanyja kryžy nie pavinny być źniščanyja. Ich musova pieranieści na mahiły.
Dohlad nekropalu — sprava doŭhaha času, dastojnaja ruplivaha biełaruskaha charaktaru.
Miesca smutku nie pavinna stać miescam bojek, novych aryštaŭ abo palityčnaje reklamy. Heta było b kiepskaju słavaj nia ŭładam,
a ŭsioj krainie.
Tałaka ŭ Kurapatach
27 kastryčnika ŭ Kurapatach ładzicca tałaka. Nie zabudźciesia ŭziać z saboj ryštunak.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA121
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary