Naziralniki havorać pra źmienu kiraŭnika biełaruskaha zamiežnapalityčnaha viedamstva jak pra spravu vyrašanuju. Jaje treba razhladać u śviatle zadač, jakija stajać pierad MZS sioleta.
| Biełaruski ekspart u krainy Eŭraźviazu za 11 miesiacaŭ minułaha hodu vyras na 19,5%. FOTA ANATOLA KLEŠČUKA |
Va ŭmovach intensiŭnaha cisku z boku Kramla Łukašenka maje alternatyvu: pakłaści na stoł usie kozyry palityčnaj hulni z Rasiejaj, jakija jon maje, albo sastupić Maskvie vielmi važnyja ryčahi ŭpłyvu, vielmi važnyja palityčnyja pazycyi. Vidavočna, što jon abiare pieršaje.
Pryznačany na pasadu ministra zamiežnych spraŭ 27 listapada 2000 h. Michaił Chvastoŭ vyjaviŭ siabie chutčej zmaharom z «špijonami» z ABSE. Jahony papiarednik, kadravy kadebist U.Łatypaŭ, byŭ značna bolš dyplamatyčnym, hnutkim, inicyjatyŭnym. Heta byŭ sapraŭdny majstar palityčnaj intryhi. Takaja fihura ciapier treba Łukašenku.
Sam fakt pryznačeńnia na pasadu ministra zamiežnych spraŭ ambasadara Biełarusi pry NATO Siarhieja Martynava staniecca znakavym dla Maskvy. Paśla červieńskaha ŭltymatumu Pucina zajavy Martynava ab perspektyvach supracoŭnictva Biełarusi z NATO vyklikali peŭny rezanans siarod rasiejskaha isteblišmentu. U svajoj palitycy U.Pucin adčuvaje dastatkova mocny cisk z boku hrupaŭ palityčnaj elity Rasiei, pradstaŭniki jakich razvažajuć u katehoryjach chałodnaj vajny. Aficyjny Miensk heta dobra viedaje. Pryznačeńnie Martynava jość peŭnaj preventyŭnaj akcyjaj u adnosinach da Kramla. U adkaz na žorstkija patrabavańni Maskvy sastupić stratehičnyja abjekty biełaruskaj ekanomiki Miensk moža napoŭnić pazbaŭlenyja kankretyki červieńskija zajavy Martynava peŭnym źmiestam.
Andrej Lachovič
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam9
Kamientary