28 Sakavika
Cyhanki zavaražyli
Ranicaj u dom žycharki vioski Klapčany, što za dva kilametry ad Słucku, zajšli try cyhanki j prapanavali kupić u ich pakryvała. Žančyna «paviałasia» na taki servis i pačała razhladać tavar. A kali hości pakinuli dom, jana nie znajšła ŭ svajoj sumcy 340 dalaraŭ i 90 tys. rubloŭ. Zatrymać machlarak pakul nie ŭdałosia.
Michaś Kutniaviecki, Słucak
«NRM» u Mazyry
13 sakavika mazyrčuki mieli mahčymaść naviedać doŭhačakany kancert ulubionaha hurtu. Muzyki vystupali ŭ Mazyry ŭpieršyniu i tamu prapanavali prysutnym, pavodle Volskaha, «svojeasablivaje asarci» — prahramu hitoŭ z roznych albomaŭ. Hurt naŭsucel zadavoliŭ čakańni fanataŭ, jakija, nie zvažajučy na niadobrazyčlivych milicyjantaŭ, adryvalisia napoŭnicu, vyklikali muzykaŭ na bis, a paśla kancertu doŭhi čas nie razychodzilisia, žadajučy atrymać aŭtohrafy i sfatahrafavacca ź ministrami Niezaležnaje Respubliki Mroi. Da kvitka dadavaŭsia nievialiki siurpryz — paštoŭki biełaruskich hurtoŭ i kalandaryk z vyjavaj hierba Mazyru.
Usiasłaŭ Cieraškovič, Mazyr
Dym dla Iraku
Kryčaŭski paet i były karespandent rajonnaj hazety «Leninski klič» Michaił Rozanaŭ źviarnuŭsia ŭ ambasadu Iraku z prapanovami pa supraćdziejańni vojsku ZŠA. Jon pradstaviŭ detalovy plan pa abaronie bujnych haradoŭ Iraku ad abstrełu rakietami z łazernym naviadzieńniem. Asnoŭnaja ideja — vyrableńnie vialikaj kolkaści dymu i ščylnaje zadymleńnie nieba nad haradami, što nie dazvolić rakietam trapić u celi.
Andrej Kuźmin, Kryčaŭ
Atrutny ramont
Nie pa svajoj voli stali taksykamanami na niekalki dzion vučni barysaŭskaj SŠ №2. U škole rabili ramont napiaredadni seminaru dla muzyčna-pedahahičnych rabotnikaŭ. Sanstancyja dała zhodu pry ŭmovie, što školnikaŭ u budynku nia budzie. Ale zaniatki ŭsio ž ładzilisia, i dzieci prychodzili dadomu z čyrvonymi vačyma i z hałaŭnym bolem. Seminar prajšoŭ udała, ale ci pavinny dzieci rabicca zakładnikami načalnickaj «pakazuchi»?
Źmicier Pankaviec, Kastryca
Hrošy na Kaściuškavu siadzibu
Jak ušanavać pamiać Tadevuša Kaściuški na jaho radzimie, u Kosavie? Ab hetym išła havorka ŭ Bieraściejskim abłvykankamie. Palityčny daradca ambasady ZŠA ŭ Biełarusi Ted Kontak i ataše pa pytańniach infarmacyi, adukacyi i kultury Dajan MakDonald, jakija prysutničali na pasiedžańni, prapanavali svaju dapamohu — 20 tysiač dalaraŭ na adnaŭleńnie siadziby T.Kaściuški. Dyplamaty paabiacali, što hrošy buduć pieraličanyja, jak tolki abłvykankam daść kankretny plan budaŭničych rabotaŭ.
U Ivacevickim filijale «Biełarusbanku» adčynienyja dva rachunki (valutny i rublovy) dla achviaravańniaŭ na adnaŭleńnie siadziby. Pieršy ŭniosak u pamiery 10 tys. rubloŭ pastupiŭ ad pensijanera Hieorhija Šastały. Pieraličyli hrošy taksama kałhas «Zara» i Kosaŭski psychaneŭralahičny dom-internat.
Aleś Łaŭraniuk, Ivacevičy
Ciapier čytajuć
U Drazdach vystavili na prodaž katedž z rekordnaj canoj — $7,5 miljona ŠMAT FOTA8
Kamientary