Za časy znachodžańnia la ŭłady Alaksandra Łukašenki apazycyjnyja siły nieadnarazova namahalisia abjadnać svaje vysiłki ŭ baraćbie za ŭładu. Letam 1996 h. siem apazycyjnych partyj źbirajucca na "kruhły stoł" dla kaardynacyi dziejnaści.
U kastryčniku 1996-ha byŭ praviedzieny nacyjanalny kanhres "U abaronu demakratyi, suprać dyktatury". Adnak poŭnaha adzinstva dziejańniaŭ nie było z pryčyny adsutnaści adzinaha centru kiravańnia. Na takuju rolu pretendavaŭ Viarchoŭny Saviet, tady jak najbolšuju papularnaść siarod palityčna aktyŭnych vybarcaŭ mieŭ BNF, u VS nie pradstaŭleny. U vyniku ŭnutrykaalicyjnaja dyscyplina tak i nie ŭstalavałasia.
U 1999 h. paŭstaje Kansultacyjnaja rada apazycyjnych palityčnych partyjaŭ (AHP, BNF, BSDP(NH), BSDH, BPP, Partyja žančyn "Nadzieja", PKB). Karotki čas u skład Rady ŭvachodzili ŁDP i "biełaruski" "Jabłyk" Abramavaj. Struktura paŭstała ź inicyjatyvy ABSE i abjadnała i žuka i žabu i raka z klašnioju. Budučyni nia mieła.
31 žniŭnia było abvieščana pra abjadnańnie maładych palitykaŭ "novaj chvali" "dla praviadzieńnia vosieńskaha nastupu na dyktaturu". U hrupu ŭvajšli Źmicier Bandarenka, Aleś Bialacki, Vincuk Viačorka, Alaksandar Dabravolski, Pavał Danejka, Viktar Ivaškievič, Anatol Labiedźka, Mikoła Statkievič. Ich namahańniami 17 kastryčnika byŭ praviedzieny pieršy "Marš Svabody", a ŭ sakaviku 2000-ha - druhi. Inicyjatyva nie praduhledžvała farmalnaha abjadnańnia i ŭnutrykaalicyjnaha centralizmu. U studzieni stvaryłasia Kaardynacyjnaja rada demakratyčnych siłaŭ (KRDS), u jakuju ŭvajšli AHP, BNF, BSDP (NH), BSDH, BPP, Partyja žančyn "Nadzieja", ekalahičnaja partyja "BEZ", Asambleja niaŭradavych arhanizacyjaŭ, "Chartyja'97" i Kanhres demakratyčnych prafsajuzaŭ. Zadačaj KRDS było abjadnańnie apazycyi dla ŭdziełu ŭ budučych parlamenckich i prezydenckich vybarach. Adnak, kaalicyja nia mieła pryvabnaje nazvy i ŭnutranaje dyscypliny. Tamu ŭ 2001 h.
KRDS navat nie ŭdałosia vyłučyć svajho kandydata ŭ prezydenty. A BSDP (NH), PKB i BPP u lipieni 2001-ha ŭtvaryli levacentrysckuju kanfederacyju "Za sacyjalnyja pieramieny" jak procivahu KRDS, jakuju jany ličyli "pravacentrysckaj".
Kandydata ž vyłučyła h.zv. "piaciorka" kandydataŭ u prezydenty, utvoranaja ŭ traŭni 2001-ha. Jana jadnała pieravažna "adzinokich palitykaŭ" i była mocna zaležnaja ad paradaŭ svaich zamiežnych sponsaraŭ. Paraza na vybarach vyrašyła jaje los.
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary