Pra heta zajaviŭ namieśnik ministra zamiežnych spraŭ Andrej Jeŭdačenka, vystupajučy na Ekanamičnaj vystavie Biełarusi ŭ Varšavie.
Biełaruś zacikaŭlenaja ŭ aktyvizacyi supracoŭnictva z Polščaj u śfiery enierhietyki, zajaviŭ namieśnik ministra zamiežnych spraŭ Biełarusi Andrej Jeŭdačenka, vystupajučy ŭ aŭtorak na sieminary ŭ ramkach Ekanamičnaj vystavy Biełarusi, jakaja adkryłasia ŭ Varšavie.
«Z ulikam rostu koštu enierharesursaŭ dla Biełarusi 2007 hoda my hatovyja da vielmi sur`ioznaj pracy z polskimi kalehami, najpierš pa dyviersifikavańni pastavak enierharesursaŭ, sumiesnamu pošuku novych šlachoŭ ich tranzitu», — skazaŭ A.Jeŭdačenka.
Jon taksama padkreśliŭ, što Biełaruś pačała aktyŭnuju padrychtoŭku da budaŭnictva na svajoj terytoryi atamnaj elektrastancyi i vykazaŭ zacikaŭlenaść u supracoŭnictvie i ŭ hetaj śfiery. Akramia taho, «my raźličvajem na supracoŭnictva pa padvyšeńni enierhaefiektyŭnaści, madernizacyi najaŭnych i budaŭnictvie novych enierhaŭstanovak», — skazaŭ A.Jeŭdačenka.
Na dumku namieśnika ministra, baki taksama pavinny ab`iadnać vysiłki pa budaŭnictvie sietki transpartnych jeŭrapiejskich kalidoraŭ. «My možam sumiesnymi vysiłkami pracavać na pryciahnieńnie jeŭrapiejskaha finansavańnia na hetyja mety «, — skazaŭ jon.
A.Jeŭdačenka taksama padkreśliŭ «vielmi važnaje značeńnie supracoŭnictva ŭ turyźmie i realizacyi sumiesnych prajektaŭ u hetaj śfiery». U pryvatnaści, najbolš aktualnym namieśnik ministra ličyć nieabchodnaść skarejšaj realizacyi sumiesnaha prajektu pa Aŭhustoŭskim kanale».
Ciapier čytajuć
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ9
Kamientary