Na miescy ministra abarony Malcava 23 lutaha ja b upaŭ u hłyboki zapoj. Kab nia bačyć marazmatyčnaha zaŭtra.
Novyja časy iduć u vajenkamaty. Raniej tolki dzivak nie kasiŭ. Pamiataju, jak padčas medahladu «aŭtarytety» z starejšaje klasy instruktavali nas: «Na pytańnie psychijatra «Jakaja stalica Tadžyckaj SSR?» treba adkazvać — «Maskva». Inakš pojdzieš u Aŭhan». Ciapier vieny, skołatyja «hieraj» abo raśpilenyja lazom padčas depreśniaku, retušujuć kasmetykaj. Mahčyma, my jašče pabačym centralizavany medahlad nakštałt ahulnadziaržaŭnaha ispytu ŭ VNU. BRSM taksama znojdziecca miesca. Jon budzie razhladać skarhi tych, chto nie nabraŭ patrebnych bałaŭ.
Pieraniaŭšy ŭ rasiejcaŭ patryjatyčnuju rytoryku, «Našy novosti» abviaścili minułaje 23 lutaha śviatam. Śviatam viartańnia biełaruskamu vojsku prestyžu, zhublenaha za časy pierabudovy. Indeksam kankurentazdolnaści łejbłu US na rynku masavaj śviadomaści jość, na dumku žurnalistaŭ, konkurs u vajenkamatach. Navabrancy rvuć adno intymnaje miesca, kab patrymać kałaš i pačyścić ačko.
Ale za fenomenam konkursu ŭ vojska staić nie patryjatyčny ekstaz, a materyjalnyja prablemy: niazdolnaść biudžetu zabiaśpiečyć usich ludziej pryzyŭnych hadoŭ parciankami i pracaj. Tolki BT nia viedaje, što biaz dembielskaha albomu atrymać zapavietnyja śvistok i dručok (mient — papularny džob u asiarodku nieadukavanych tynejdžeraŭ) amal niemahčyma.
Hałoŭny sacyjakulturny vynik reformy vojska — sankcyjanavanaje dziaržavaj razbureńnie madeli maskulinnaści. Vajskovy bilet kančatkova pierastaŭ być hrupavoj adznakaj mužčynskaha połu. Na lubimuju zaviazku hapaty: «A ty ŭ vojsku słužyŭ?» — luby niefarmał moža śmieła kazać: «Chacieŭ pajści, ale vajenkam braŭ chabar. Bašloŭ nie chapiła navat na budbat».
U Biełarusi pačałasia era novaj madeli mužčynskich pavodzinaŭ. U vojsku słužać užo nia ŭsie, a tolki «łučšyja parni majoj strany».
Dziaržava jašče moža prytarmazić hety praces, jašče možna ŭvieści ŭ vojsku płatnyja adździaleńni, adnak Malcavu i K° heta ŭžo nie dapamoža.
Lolik Uškin
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary