4—5 vieraśnia na Krapivienskim poli tradycyjna adznačajuć hadavinu Aršanskaj bitvy.
Sioleta ŭ prahramie festu, jaki pačniecca a 18-j, bahasłužba kala pamiatnaha kryža, rycarski turnir i futbolny matč. Usiu noč — pieśni la vohnišča. Achvotnych pryniać udzieł u spartovaj častcy zaprašajuć pryjechać raniej. Ad Voršy možna dajechać na aŭtobusie ci maršrutcy ŭ Dubroŭnu z aŭtavakzału. Ad prypynku «Haćkaŭščyna» jašče z kilametar piechatoju.
Niepasrednaje dačynieńnie da Aršanskaj bitvy maje znojdzieny sioleta krajaznaŭcam Alaksandram Šynkievičam naplečnik ad daśpiechaŭ. Adšukany jon u piasku, zdabytym z rusła Dniapra nasuprać vioski Haćkaŭščyna (jana mieścicca ŭ paŭkilametry ad vuścia Krapivienki).
Naplečnik vyrableny ź listavoj miedzi taŭščynioju bolš za 1 mm. Z krajoŭ majucca 7 adtulin, u troch ź ich zachavalisia hruba vyrablenyja zaklopki. Na vonkavaj pavierchni naplečnika šmat drapin, uvahnutaściaŭ. Najbolšaja, sa skraznoj uzdoŭžnaj nasiečkaj, mahčyma, naniesienaja vastryjom miača abo ciažkaj šabli.
Poŭnaściu hety artykuł možna pračytać u papiarovaj i pdf-versii "Našaj Nivy"
Kamientary