AAN — struktura, jakaja šmat u čym aryjentujecca na ŭžo niaisnaje supraćstajańnie dźviuch zvyšdziaržaŭ.
Siońnia, kali hałoŭnaj prablemaj robicca baraćba z teraryzmam i dyktatarskimi režymami, AAN pieratvarajecca ŭ niedziejazdolnaje zhurtavańnie klubaŭ pa intaresach.
Kali prezydent ZŠA Buš u svajoj pramovie pierad Hieneralnaj Asamblejaj AAN u Ńju-Jorku spasłaŭsia na ahulnačałaviečyja kaštoŭnaści i zaklikaŭ mižnarodnuju supolnaść dapamahčy ŭ adbudovie volnaha Iraku, jahony patas nie znajšoŭ vialikaha vodhuku ŭ sercach prysutnych dyplamataŭ. Chacia mienavita spryjańnie takim kaštoŭnaściam, jak demakratyja, svaboda, pavaha da žančyn, było vyznačana jak adna z met zasnavańnia AAN. Siońnia ž AANaŭskija dyplamaty kudy bolš zakłapočany svaimi ŭłasnymi intaresami, i dla vysokich ideałaŭ dy vyrašeńnia nadzionnych prablem čałaviectva ŭ ich čaściakom nie zastajecca ani času, ani enerhii.
Tak, hieneralny sakratar AAN Kofi Anan byŭ zaniaty prychoŭvańniem padrabiaznaściaŭ prahramy «Nafta ŭ abmien na charčavańnie», jakaja ŭ abchod sankcyj AAN dazvalała sadamaŭskamu Iraku pradavać naftu dziela palohki irackamu nasielnictvu. U toj samy čas prahrama davała Sadamu Chusejnu mahčymaść pradavać naftu pa zavyšanych cenach i potym admyvać liškavyja hrošy dziela budaŭnictva pałacaŭ i realizacyi vajskovych prahram. Struktury AAN byli sami zacikaŭleny ŭ praciahu sumnieŭnych aperacyj, bo AAN z kožnaha naftavaha kantraktu atrymlivała kamisijnyja ŭ sumie 2,2%. Mabyć, hetaja zacikaŭlenaść i była hałoŭnaj pryčynaj niežadańnia AAN dapamahać Amerycy ŭ vyzvaleńni Iraku ad Sadama.
Siaržuk Vinahradaŭ,
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ2
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary