4-ha lipienia 1954 hodu navavyśviečany śviatar, što paśla troch hadoŭ skončyŭ Ukrainskuju duchoŭnuju akademiju ŭ Vinipehu, — ajciec Michaś Macukievič, budučy pieršy jararch Biełaruskaj aŭtakiefalnaj pravasłaŭnaj carkvy — maliŭsia ŭ liturhii ź viernikami-biełarusami ŭ Taronta na vulicy Dandes-Vest, dom №1000.
Hety trochpaviarchovy budynak, dobra dahledžany, staŭsia byŭ na daŭžejšy čas našym relihijnym i hramadzkim centram. Nazyvali jaho procta “Tysiača”.
Sioleta 3-ha kastryčnika my adznačyli 50-ja ŭhodki taronckaj parafii Śviatoha Kiryły Turaŭskaha.
Uračystaść, paśla śviatoj liturhii ŭ našaj carkvie ŭ Biełaruskim relihijna-hramadkzim centry na vuł.San-Klerans, adbyvałasia ŭ vialikaj zali. Prysutnych było čałaviek paŭsotni. Niechta skaža: małavata. Nielha zabyvacca, što ŭ balšyni ciapierašnija siabry abo siabroŭki parafii — heta novyja biełaruskija emihranty z baćkaŭščyny.
Śviata adkryŭ staršynia Kaardynacyjnaha kamitetu sp.Rusłan Kačatkaŭ, koratka acharaktaryzavaŭšy historyju parafii.
Prysutnaja staršynia Rady Biełaruskaj Narodnaj Respubliki spn. Ivonka Surviłła vitała parafijanaŭ i haściej ad biełaruskaj palityčna aktyŭnaj nacyjanalnaj dyjaspary.
Piarvinaj biełaruskaha ruchu, jak na vyhnańni, tak i ŭ paniavolenaj baćkaŭščynie, naša vydatnaja piśmieńnica i paetesa Volha Ipatava nazvała našu parafiju. Słuchańnie himnu “Mahutny Boža” paśla liturhii ŭ carkvie natchniaje surodzičaŭ, viernych i losam pakryŭdžanych, Bohu i Biełarusi addanych ludziej.
My ŭdziačnyja Volzie Ipatavaj i dziakujem joj za pračytańnie piśmovaha pryvitańnia našaj parafii novym našym japiskapam Vasilom, što ciapier jość u Hajłend-parku, Ńju-Džerzi.
Ja, Kastuś Akuła, pryznajusia, što ciažkavata mnie apisvać, chto, jak i što skazaŭ ci zachavaŭsia. Idzie sprava pra pravasłaŭnuju carkoŭnuju jararchiju. Usich treba abviazkova dakładna nazvać ź vialikaj pašanaj. A nie, dyk hrech ciabie ŭ abdymki.
Kali ž pamiataješ, što biazhrešnych nidzie na śviecie pravasłaŭnym niama, lahčej niekaha ci niešta apisvać dla druku.
Raisa Žuk-Hryškievič zaniała svaimi pavolnymi razvažańniami doŭhi čas. Jana ŭsiu svaju vialikuju ŭvahu addała pamiaci našaha vydatnaha archijapiskapa Mikałaja, pieršaha japarcha BAPC. Raisa nabliziłasia da pa-mastacku zručna vyšytaha Irenkaj Varabiej tvaru ŭsimi nami šanavanaha, nia tak daŭno adyšoŭšaha ŭ Śviet Božy archijapiskapa Mikałaja. Kali ž Raisa sa ślaźmi ŭ vačoch i dryžačym hołasam pramaŭlała da vydatnaj mastackaj vyjavy tvaru duchoŭnika, zapraŭdy kranułasia serca ŭ spahadzie da tych, katorym i my sami, jak by ni chacieli, nia možam ciapier pamahčy ŭ vializnym hory pry navale idyjockaj biady ŭ paniavolenaj ciapier Biełaruskaj Respublicy.
Mnie dali nahodu aceńvać pieršyja našy kroki ŭ Kanadzie, asabliva ŭ arhanizacyi relihijnaha žyćcia, kupli domu na tarontaŭskaj Dandes-stryt. Zhadaŭ ja i niekali vielmi aktyŭnaha Cimafieja Sałanoviča, što pamahaŭ pry techničnaj apracoŭcy vydańnia “Biełaruski emihrant”. Jamu treba była ad nas pomač. Cimafiej staraŭsia mieć siamju, budčyniu. Nie ŭdałosia.
Liču pryjemnaściu paviedamić čytačam “Biełarusi”, što radyjo “Svaboda”, praź Internet, pad zahałoŭkam “Cuajčyńniki”, užo painfarmavała svaich słuchačoŭ ci čytačoŭ pra piacidziasiatyja ŭhodki našaj parafii BAPC Śviatoha Kiryły Turaŭskaha ŭ Taronta.
Dziakujem vam, pracavityja surodzičy sa “Svabbody”.
Pamažy vam Boža! Žyvie Biełaruś!
Kastuś Akuła, Taronta
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska11
Kamientary