Bity žyćciom dziadula nia nadta vieryŭ abiacankam, ale raptam choć niejkim čynam kampensujucca hrošy, što ŭ adzin «cudoŭny» dzień pieratvarylisia ŭ ništo. Dyvidendaŭ čakaŭ doŭha. Urešcie dastaŭsia dziadula da hetaha AAT: dzie pracenty ad układu? A na zavodzie patłumačyli, što za minułyja hady nie było ŭ pradpryjemstva prybytku.
Miž tym, Pastaŭski małočny zavod — adno z najbolš paśpiachovych pradpryjemstvaŭ rajcentru. U «rajoncy» rehularna drukujucca artykuły, jakija raskazvajuć, što pradukcyja karystajecca niaźmiennym popytam daloka za miežami rajonu, pryznajecca najlepšaj na konkursach charčovaj pradukcyi.
Dziadulu čarhovy raz padmanuli z akcyjami, jak nie atrymaŭ ni ladoŭni, ni televizara za źnikły ŭ aščadbanku ŭkład, što abiacałasia na pieršych prezydenckich vybarach.
1,5 młn za prysiadzibny ŭčastak
Valancina Saroka ź vioski Čarty (Pastaŭščyna) vyrašyła vykupić 35 sotak prysiadzibnaj haspadarki — kab naščadkam dastałasia i chata, i hetaja ziamla. Ale čynoŭniki padličyli, što jana musić zapłacić dziaržavie za ziamlu i afarmleńnie dakumentaŭ amal paŭtara miljona rubloŭ. Praktyčna hadavaja pensija.
Paśla vajny pry stvareńni kałhasaŭ u baćkoŭ sp. Valanciny dy śviokra ziamla i ŭłasnaść była zabrana adnym rosčyrkam piara — bieź nijakich vypłat ci kampensacyj. Žančyna moža pakazać hetyja ŭčastki, ale na ich nie pretenduje. Ale kab płacić za sotki pry chacie, jakija dziesiacihodździami apracoŭvała siamja! Nonsens.
Poŭny varyjant čytajcie ŭ papiarovaj i pdf-versii hazety "Naša Niva"
Michał Hil, Pastavy
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary