Уводзіны
Пры стварэнні акаўнта падумайце пра тое, што вы будзеце на ім рабіць і з якімі рызыкамі можаце сутыкнуцца. Вы збіраецеся глядзець незалежныя медыя і не хочаце, каб вас адшукалі? Або вы глядзіце або ствараеце толькі забаўляльны кантэнт і вас непакоіць найперш бяспека самога акаўнта? Вы ў Беларусі або за мяжой?
У першай частцы нашага гайду пра тыкток мы распавядаем, як вычысціць ваш акаўнт — і гэта не вельмі проста.
Як ачысціць падпіскі ў TikTok
Праглядзіце вашы падпіскі. Дзеля гэтага адкрыйце праграму і ў ніжнім меню націсніце «Профіль».
Далей абярыце «Падпіскі».
Праглядзіце каналы. Абярыце канал, ад якога вы хочаце адпісацца. Каб адпісацца, націсніце на кнопку «Падпіскі» ў правым баку ад назвы канала. Надпіс зменіцца на «Падпісацца», а кнопка стане чырвонай.
Як пачысціць лайкі і выбранае
Гэта самая складаная частка ачысткі вашага тыктоку. Рэч у тым, што ўпадабанае (тое, што вы лайкалі) і выбранае (тое, што вы захавалі сабе, націснуўшы пад відэа сімвал закладкі) можна выдаліць толькі па адным, гартаючы відэа ўручную. Для гэтага спачатку перайдзіце ў ваш профіль.
Напрыканцы раздзела мы пішам, што рабіць, калі відэа вельмі шмат і выдаліць іх уручную немагчыма.
Далей звярніце ўвагу на панэль з сімваламі, якая знаходзіцца пад выявай профілю. Спачатку абярыце пункт «Выбранае», які выглядае як закладка з перакрэсленым вокам побач.
Перайдзіце ў відэа, якія ёсць у вас у «Выбраных». Націсніце сімвал закладкі жоўтага колеру.
Пасля гэтага закладка стане белай, а відэа знікне з выбранага. Пры гэтым відэа застанецца ў спісе ўпадабаных, бо мы не прыбіралі з яго лайк.
Працягвайце націскаць відэа па адным, каб прыбраць усё, што вы хочаце, з абранага. Вось так выглядае цалкам пачышчанае абранае. Цяпер націсніце сімвал сэрца з перакрэсленым вокам, каб пабачыць усе відэа, якія вы ўпадабалі.
Цяпер абярыце відэа, якое вы лайкнулі. Вы ўбачыце, што сімвал сэрца на ім — чырвоны (як у відэа вышэй).
Пасля таго, як вы націсніце на сэрца, яно пабялее.
Пасля гэтага відэа знікне са спісу тых, што вы лайкнулі.
Працягвайце праглядаць спіс відэа, якія вы лайкнулі, каб пачысціць гэты раздзел.
Калі ў вас іх вельмі шмат і вы не займаецеся блогінгам, то вы можаце проста выдаліць акаўнт у TikTok. Тэарэтычна вы можаце таксама напісаць у падтрымку сэрвісу і папрасіць іх выдаліць усе вашы лайкі — праўда, невядома, ці стануць яны гэта рабіць і як хутка.
Зрабіць гэта можна праз налады. Перайдзіце ў ваш профіль. Націсніце сімвал з трыма крэскамі ў верхнім правым куце, а пасля абярыце «Налады і канфідэнцыйнасць».
Адкрыецца меню «Налады і канфідэнцыйнасць». Дагартайце да самага канца, вам патрэбны пункт «Паведаміць пра праблему».
Там зноўку дагартайце да самага канца і націсніце «Даслаць скаргу».
Тут апішыце вашу праблему, можаце таксама зрабіць скрыншот і патлумачыць сітуацыю ў Беларусі. Пасля націсніце «Даслаць». Магчыма, гэта спрацуе.
Каб пабачыць адказы на скаргі, вы мусіце зайсці ў пункт «Паведаміць пра праблему» і націснуць на сімвал спіса ў правым верхнім куце.
Выдаленне каментароў у TikTok
З каментарамі таксама ўсё няпроста і выдаляць іх можна толькі па адным. Каб гэта зрабіць, спачатку вярніцеся ў меню «Налады і канфідэнцыйнасць». Націсніце «Цэнтр актыўнасці».
Пасля гэтага перайдзіце ў меню «Гісторыя каментароў».
Пасля гэтага адкрыюцца ўсе каментары, якія вы пакідалі на платформе за ўвесь час. На жаль, выдаліць іх усе адначасова немагчыма. Давядзецца выдзяляць іх па адным. Націсніце на каментар, які хочаце выдаліць.
Пасля націскання вас перакіне пад відэа, дзе вы пакідалі каментар. Зрабіце доўгі націск на каментары і з'явіцца меню з опцыямі.
Націсніце «Выдаліць». Праглядзіце астатнія каментары. Цалкам вычышчаная гісторыя каментароў выглядае так:
Калі каментароў вельмі шмат і выдаліць іх немагчыма, то можна або выдаліць акаўнт у TikTok, або звярнуцца да адміністрацыі TikTok (па спасылках мы напісалі, як гэта робіцца).
Ачыстка гісторыі праглядаў у TikTok
Гэта зрабіць значна прасцей. Спачатку вярніцеся ў «Цэнтр актыўнасці». Націсніце «Ваша гісторыя прагляду».
Адкрыецца спіс усіх відэа, якія вы праглядалі на платформе. Націсніце «Абраць».
Пасля гэтага знізу, пад усімі відэа, з'явіцца кнопка «Выдаліць усё». Націсніце на яе.
Пасля гэтага гісторыя праглядаў будзе выглядаць так:
Ачыстка гісторыі пошуку ў TikTok
Вярніцеся ў «Цэнтр актыўнасці». Націсніце «Гісторыя пошуку». Націсніце «Абраць».
Пасля гэтага знізу, пад усімі відэа, з'явіцца кнопка «Выдаліць усё». Націсніце на яе.
Пасля гэтага гісторыя пошуку будзе выглядаць так:
Як пачысціць паведамленні ў TikTok
У тыктоку можна пісаць толькі кантактам. Магчыма выдаляць паведамленні абодвух суразмоўцаў, але выдаляюцца яны толькі на вашым баку. То-бок дыялог у любым выпадку застанецца ў суразмоўцы, а адмяніць адпраўку немагчыма.
Дзеля таго, каб пачысціць дыялог для сябе, спачатку націсніце «Уваходныя» ў ніжнім меню праграмы.
Калі вы хочаце выдаліць дыялог цалкам, то не ўваходзьце ў яго, а зрабіце на ім доўгі націск. Адкрыецца меню.
Пасля з'явіцца папярэджанне пра тое, што дыялог выдаліцца канчаткова. Націсніце «Выдаліць».
Калі вы хочаце пачысціць дыялог часткова, то не выдзяляйце яго, а націсніце. Ён адкрыецца.
Націсніце на паведамленне, якое вы хацелі б выдаліць. З'явіцца меню дзеянняў.
Націсніце «Выдаліць» у правым ніжнім куце. Пасля гэтага паведамленне знікне. Цалкам вычышчаны дыялог выглядае так:
Выдаленне акаўнта
Калі вы вырашылі выдаліць акаўнт, то вярніцеся ў налады. Націсніце пункт «Акаўнт».
Пасля адкрыецца пункт меню «Акаунт». Націсніце «Дэактываваць або выдаліць акаўнт».
Адкрыецца наступнае меню. Націсніце «Выдаленне акаўнта назаўжды».
У наступным меню абярыце прычыну выдаленне або націсніце «Прапусціць».
Тут вам прапануюць спампаваць вашы даныя. Націсніце галачку знізу і націсніце «Працягнуць». Акаўнт выдаліцца.
«Наша Нiва» — бастыён беларушчыны
ПАДТРЫМАЦЬ
Каментары