У гадавіну па Анатолю Кудраўцу — пісьменніку, рэдактару, публіцысту — блізкія, сябры і калегі творцы сабраліся ў цэнтры сталіцы ў кавярні Netto, каб ушанаваць памяць Анатоля Паўлавіча, а таксама прэзентаваць яго празаічную кнігу «Зязюля пракукуе заўтра».
Мемарыяльны вечар быў арганізаваны сваякамі літаратара і ГА «Саюз беларускіх пісьменнікаў».
— Год таму не стала Анатоля Паўлавіча, і ў нас усіх з ім звязаныя самыя цёплыя ўспаміны, — распачаў вечар Старшыня ГА «Саюз беларускіх пісьменнікаў» Барыс Пятровіч. — Колькі гадоў таму спадар Анатоль узяўся дапамагчы маладой тады рэдакцыі часопіса «Дзеяслоў», і менавіта дзякуючы яму нашае выданне выходзіць і па сёння. Многія могуць сказаць пра Анатоля Паўлавіча і як пра блізкага, і як пра сябра, празаіка, рэдактара, арганізатара і проста як пра чалавека.
Сустрэча праходзіла ў камернай, амаль сямейнай абстаноўцы, без шырокай публікі, таму выступоўцы мелі магчымасць выказацца непасрэдна, без аглядкі на ўмоўнасці. Успаміналі пра сяброўскія «размовы на кухні» з Анатолем Кудраўцом, згадвалі глыбока асабістыя моманты.
Чытайце рэпартаж і глядзіце болей фота на сайце lit-bel.org.
Сейчас читают
Дети слизывали с грязного пола пролитое молоко. Какой увидел иностранец Беларусь, опустошенную российскими и шведскими войсками во время Северной войны1212
Комментарии