Запрашаем на адукацыйны семінар «Адукацыя vs. межы»! Каб зарэгістравацца, ідзіце па спасылцы.
Да ўдзелу запрашаюцца абітурыенты з інваліднасцю (вучні і вучаніцы 10—11 класаў сярэдніх навучальных устаноў і дарослыя абітурыенты), а таксама іх бацькі, сябры і ўсе неабыякавыя да пытанняў інклюзіўнай адукацыі. Удзел у семінары бясплатны, магчыма кампенсаванне транспартных выдаткаў!
Што такое інклюзія і чаму яна важная для ўсіх? Ці даступная адукацыя для людзей з інваліднасцю ў Беларусі? У чым актуальнасць сацыякультурнага актывізму людзей з інваліднасцю і для людзей з інваліднасцю? Як пазбегчы сегрэгацыі і актыўна ўключыцца ў жыццё твайго горада, матэрыка, планеты? Чаму адукацыя дазваляе пашырыць не толькі інтэлектуальныя, але і фізічныя межы грамадства? Будзем шукаць адказы на гэтыя пытанні разам на нашым семінары.
Дзе? Мінск (Кастрычніцкая 16 — культурны інкубатар Ок16)
Калі? 15 красавіка, з 12:00 да 17:00.
Запрошаныя эксперты: Саша Аўдзевіч (РАІК), Сяргей Драздоўскі («Офіс па правах людзей з інваліднасцю»), Аляксандр Ергулевіч («Даступны тэатр»), Анастасія Жырмонт (БелАДДІіМІ), Мінская ўрбаністычная платформа.
Праграма семінара таксама ўключае прэзентацыю дыстанцыйных і змешаных праграм бакалаўрыята і магістратуры Еўрапейскага гуманітарнага ўніверсітэта, прэзентацыю падрыхтоўчых дыстанцыйных курсаў цэнтра падрыхтоўкі да вышэйшай адукацыі «Прапілеі» і сустрэчу са студэнтамі.
Далучайцеся да нас у сацсетках і сачыце за абнаўленнямі праграмы!
Рэгістрацыя да 12 красавіка па спасылцы.
Калі вы хочаце задаць пытанне альбо з якіх-небудзь прычын вагаецеся, ці запісвацца на семінар, то звярніцеся да нас!
Кантакты:
Ксенія Шталенкова, kseniya.shtalenkova @ ehu.lt, +375 29 616 12 01 (Viber)
Анастасія Радзіонава, radzionava.anastasiya @ ehu.lt, +370 645 82 010 (Viber)
Комментарии