Сядзіба ТБМ (Румянцава, 13). 19:00. Уваход вольны.
19 верасня (серада) на сядзібе Таварыства беларускае мовы (Румянцава, 13) адбудзецца прэзэнтацыя ўнікальнага выпуску Arche — «Гісторыя БНР у карцінках».
Гэты нумар выклікаў высокую цікавасьць ды ўжо стаў адным з самых хутка прадаваных выпускаў Arche.
Нумар прымеркаваны да 100-гадовага юбілею абвяшчэння Беларускай Народнай Рэспублікі. Ён выдадзены цалкам у колеры. Фактычна гэта ўнікальны тэматычны фотаальбом.
У ім друкуюцца сотні аўтэнтычных фотарэпрадукцыяў, якія ілюструюць розныя аспекты дзейнасці БНР: партрэты ейных лідараў, дакументы (устаўныя граматы, пашпарты, адозвы, абвесткі). Даюцца факсіміле пячатак, марак, паштовак ды іншай аўтэнтычнай атрыбутыкі.
Выданне дазваляе чытачу паглыбіцца ў свет БНР і Акту 25 сакавіка 1918 года. У ім раскрываюцца тэмы, якія застаюцца надзвычай актуальнымі ў Беларусі і праз сто гадоў. Шмат якія ілюстрацыі друкуюцца ўпершыню.
У сустрэчы возьме ўдзел шэф-рэдактар Аляксандр Пашкевіч і гісторык Уладзімер Ляхоўскі.
Уваход вольны
Даведкі па тэлефоне: (29) 550-79-69.
Комментарии