В конце 2019 года возле полуразрушенной придорожной часовни святого Яна неподалеку от Вишнево, что на Сморгонщине, был обнаружен старинный кованый крест, который пролежал в земле не одно десятилетие, пишет Catholic.by.
Вішневаў у тым кірунку ёсць два: адно на Валожыншчыне, там служыў айцец Уладыслаў Чарняўскі і нарадзіўся Шымон Пэрэс, а другое — на Смаргоншчыне, дзе нарадзіўся кампазітар Мечыслаў Карловіч.
Прыдарожную капліцу ў гонар Яна Хрысціцеля тутэйшыя жыхары паставілі між мястэчкам Вішневам і вёскаю Галоднічы, перайменаванай бальшавікамі ў «Краснаазёрную», што прытулілася на беразе маляўнічага, чыстага і спакойнага Вішнеўскага возера.
Стромкая і велічная калісьці, капліца сёння пагражае вось-вось абрынуцца, нягледзячы на рыштаванні, што шчыльна абступілі яе з усіх бакоў…
Краязнаўцы-энтузіясты, якія займаюцца пошукам цікавых гістарычных артэфактаў, вырашылі даследаваць прылеглую да капліцы тэрыторыю. І не дарэмна: ім удалося знайсці крыж, які калісьці вянчаў культавую пабудову і на які жагналіся ўсе, хто ішоў або ехаў па гасцінцы побач.
Знойдзеную святыню з пашанаю перадалі ксяндзу Антонію Казлоўскаму, пробашчу вішнеўскай парафіі Святога Юды Тадэвуша, на тэрыторыі якой знаходзіцца капліца.
«Гэта добры знак! — радуецца святар. — Крыж знайшлі: цяпер засталося аднавіць капліцу, каб усталяваць яго на «законнае месца»».
Хутчэй за ўсё, крыж з капліцы знялі ў часы ваяўнічага атэізму, калі савецкая ўлада вяла змаганне з верай і рэлігійнымі сімваламі. А можа, хтосьці проста вырашыў яго схаваць і закапаў далей ад нядобрых вачэй, але не дачакаўся лепшых часоў, калі скончылася савецкае цемрашальства.
Як бы там ні было, крыж, нарэшце, знойдзены і, калі знойдуцца таксама высакародныя неабыякавыя людзі, гатовыя дапамагчы ў справе аднаўлення старадаўняй капліцы, зможа зноў вярнуцца на сваё пачэснае месца.
Нягледзячы на праведзеныя ў зямлі дзесяцігоддзі, крыж даволі добра захаваўся, а гэта сведчыць, хутчэй, на карысць версіі пра тое, што яго схавалі вернікі. Змагары з рэлігіяй звычайна не цырымоніліся і, скідваючы крыжы, іх моцна нявечылі, як, напрыклад, адбылося ў Свіры, куды вядзе гасцінец з Вішнева.
Выкананы ў традыцыйнай манеры з каванага металу, крыж з капліцы святога Яна мае ў вышыню 135 см ад ніжняга завостранага канца, якім ён, хутчэй за ўсё, мацаваўся да шарападобнай драўлянай «макаўкі», і да верхняга дэкаратыўнага элементу ў выглядзе лістка, крыху загнутага (і гэта, бадай што, адзінае заўважнае на ім пашкоджанне). Шырыня крыжа ўпоперак складае 95 см.
Аб аднаўленні капліцы маліўся ксёндз Антоній, калі 12 снежня цэлебраваў святую Імшу за Беларусь, якая трансліравалася на Першым нацыянальным канале Беларускага радыё.
-
Белорусы привезли из Копенгагена новую «святыню» — крест королевы Софии. Историки называют его бижутерией за 4000 евро
-
В Купаловском театре российские режиссеры проведут творческую лабораторию, в которой выберут спектакль для репертуара
-
Картины из белорусской усадьбы Радзивиллов вернули, но в Польшу
Комментарии