Кочанова приезжала на БТ вести переговоры с работниками, на Макаенка сотни демонстрантов ждали ее, но она так и не вышла ФОТО
Як перадаюць карэспандэнты «Нашай Нівы», Наталля Качанава прыехала на Беларускае тэлебачанне для перамоваў з работнікамі. Унутры будынка на Макаёнка, 9 — Наталля Качанава, Наталля і Іван Эйсманты, якія тэрмінова прыехалі на БТ, дзе працаўнікі рыхтавалі забастоўку: яны адмаўляюцца паказваць няпраўду ў эфіры.
Калі супрацоўнікі тэлебачання паведамілі пра гэта ў Тэлеграме, туды пачалі з'язджацца людзі з суседніх кварталаў. Цяпер пад сценамі БТ каля 700 дэманстрантаў скандзіруюць «Трыбунал!». На прыступкі паклалі дыванок са словам «сумленне». Падтрымаць мірных удзелькаў акцыі прыехала Марыя Калеснікава са штаба Віктара Бабарыкі.
Дэманстранты каля будынка БТ вітаюць авацыямі тых супрацоўнікаў, якія выходзяць з будынка з белымі стужкамі і знакам «Перамога». Нагадаем, што ў будынку Качанава і Эйсманты, а іх чакаюць тысячы дэманстрантаў, перадаюць карэспандэнты «НН».
З будынка з воклічам «Жыве Беларусь!» выйшаў аператар Андрэй Ярашэеў, падзяліўся сваімі ўражаннямі: «Сустрэча бессэнсоўная. Качанава абараняла амапаўцаў».
Да дэманстрантаў каля БТ далучылася Ганна Бонд. Яна кажа, на БТ ужо большасць — за праўду. «У нас у сям'і таксама затрымалі пляменніка, мы трое сутак не ведалі, дзе ён», — эмацыйна расказвае яна пра «чорныя дні», як яна выказалася пра 9—11 жніўня.
Праз нейкі час у будынак увайшло некалькі амапаўцаў. Наталля Качанава так і не з'явілася перад грамадзянамі.
Комментарии