Пра гэта паведамілі ў галоўным упраўленні Следчага камітэта Расіі па Маскоўскай вобласці.
2 верасня каля 13 гадзіны прадпрымальнік выехаў на сваім аўтамабілі з аптовага рынку «Усход» горада Балашыха па шашы Энтузіястаў у напрамку Масквы.
Па дарозе аўтамабіль ВАЗ наўмысна справакаваў дарожна-транспартнае здарэнне і прымусіў прадпрымальніка спыніцца. Калі мужчына выйшаў, невядомы зрабіў у яго не менш за пяць стрэлаў і ўцёк.
Беларускага грамадзяніна са шматлікімі агнястрэльнымі раненнямі завезлі ў шпіталь у Маскву. Там ён памёр.
Следства не выдае прозвішча забітага. Вядома, што ён 1966 года нараджэння, займаўся пастаўкамі мясной прадукцыі з Беларусі ў Падмаскоўе.
0
0
0
0
0
0