Прэзідэнт Балівіі Эва Маралес падпісаў аднагадовы кантракт з прафесійным клубам першага дывізіёна краіны «Спорт Бойз».
Мяркуецца, што 54-гадовы палітык будзе праводзіць на поле ў сярэднім каля 20 хвілін за матч,
але не зможа з'яўляцца на кожнай сустрэчы з-за напружанага працоўнага графіка. Зарплата Маралеса ў клубе складзе 214 даляраў у месяц.
Кіраўнік Балівіі атрымае ў распараджэнне футболку з 10-м нумарам на спіне. Сам прэзідэнт заявіў, што знаходзіцца ў выдатнай фізічнай форме і гатовы гуляць.
Раней Маралес гуляў толькі ў таварыскіх сустрэчах з журналістамі і іншымі палітыкамі.
У 2006 годзе ён зламаў нос варатару каманды суперніка, а ў 2007-м адыграў матч на вышыні больш за шэсць тысяч метраў над узроўнем мора ў знак пратэсту супраць спробаў забараніць Балівіі праводзіць міжнародныя футбольныя сустрэчы на высакагор'і.
Эва Маралес — вялікі сябра беларускага народа, у пачатку верасня 2013 г. ён наведваў Мінск.
