На сустрэчы з грамадзянамі 29 красавіка канцлер ФРГ Олаф Шольц засмяяўся, кажучы пра просьбы Украіны паставіць нямецкія ракеты Taurus. Раней ён смяяўся з суграмадзян, якія скардзіліся яму на ўзровень пенсій або кошт электраэнергіі.
Прадстаўнік апазіцыйнай партыі назваў Шольца за такія паводзіны «канцлерам-рагатуном».
Псіхолагі адказалі BILD, што можа азначаць смех канцлера Германіі.
«Шольц смяецца не таму, што высмейвае іншых, а таму, што знаходзіцца ў стане стрэсу і няўпэўненасці ў сабе. Смех — гэта ахоўная маска, якая дазваляе паменшыць або зняць напружанне ў такой сітуацыі», — разважае Торстэн Хавенер, пісьменнік і псіхолаг.
Шольц лічыцца асцярожным, дакладным, ураўнаважаным, удумлівым, фармалістам і аналітычнага складу чалавекам, але такія асобы разлічваюць на дыстанцыю, а не на блізкасць.
А сустрэчы з грамадзянамі маюць на ўвазе блізкія зносіны і экстравертныя паводзіны, што выклікае няўпэўненасць і стрэс.
«Спантаннае некантраляванае зняцце напружання адбываецца дзякуючы смеху, які вызваляе. Многім людзям гэта знаёма з уласнага паўсядзённага жыцця: так раптам смяюцца на пахаванні або ў іншых сітуацыях няўпэўненасці», — мяркуе Крысціян Гальвес, бізнэс-трэнер і эксперт па мове цела.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары