Намеснік кіраўніка Федэральнай службы па наглядзе ў сферы адукацыі і навукі Аляксандр Бісераў прапанаваў забараніць Вікіпедыю ў Расіі, бо яна негатыўна адбіваецца на адукацыі. Пра гэта ў чацвер, 22 студзеня, паведамляе ТАСС.
«Маё меркаванне, і я яго неаднаразова выказваў, — я б Вікіпедыю забараніў, проста-проста наклаў бы на яе цэнзуру», - сказаў ён.
Забараніць Вікіпедыю, на думку Бісерава, неабходна з-за «каласальнай колькасці памылак». Гэта, па яго словах, негатыўна ўплывае на ацэнкі студэнтаў, якія рыхтуюцца да іспытаў менавіта пры дапамозе інтэрнэт-энцыклапедыі.
У лістападзе 2014 г. Прэзідэнцкая бібліятэка імя Ельцына выступіла з ініцыятывай стварыць расійскі аналаг Вікіпедыі, які стане «адным з самых запатрабаваных рэсурсаў Рунэту».
0
0
0
0
0
0