Расійскі сенатар прапанаваў аб'яднаць Беларусь з Калінінградскай вобласцю. Але хутка адумаўся
Рэзананснымі заявамі адзначыўся член Савета Федэрацыі Расіі ад акупанавага Крыма Сяргей Цэкаў.
Раней сенатар Цэкаў заявіў у размове з «РІА Навіны», што
калі НАТА і беларуская апазіцыя паспрабуюць увесці войскі ў Беларусь і захапіць частку тэрыторыі, то на гэта будзе адказ як ад Мінска, так і ад Масквы. У тым ліку ён выказаў здагадку, што Беларусь можа аб'яднацца з тэрыторыяй Калінінграда.
Затым у Telegram з'явіліся навіны пра тое, што Сяргей Цэкаў рыхтуе прапановы аб аб'яднанні расійскага суб'екта з Беларуссю. «Гэтая інфармацыя не адпавядае рэчаіснасці. Я не збіраюся рабіць ніякіх прапаноў. Беларусь — самастойная і незалежная дзяржава», — адзначыў сенатар «Камерсанту». Паводле яго,
раней ён проста разважаў пра магчымыя геапалітычныя наступствы ў выпадку ўзнікнення падобнай сітуацыі, а не пра канкрэтныя дзеянні расійскіх уладаў.
Нагадаем, 25 красавіка Аляксандр Лукашэнка заявіў пра нібыта планы апазіцыі захапіць Кобрынскі раён і звярнуцца па абарону да НАТА.
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай11
Каментары