Вайна44

Сырскі абмаляваў сітуацыю на фронце, на некаторых кірунках расейцы маюць поспехі

Галоўнакамандуючы Узброеных Сіл Украіны Аляксандр Сырскі паведамляе, што сітуацыя на фронце абвастрылася.

Карта баявых дзеянняў на 28 красавіка 2024 года. Чырвоным пазначаны акупаваныя тэрыторыі, зялёным — вызваленыя, бардовым — «ДНР» і «ЛНР». Крыніца: Deep State

«Спрабуючы захапіць стратэгічную ініцыятыву і прарваць лінію фронту праціўнік засяродзіў асноўныя намаганні на некалькіх кірунках, стварыўшы значную перавагу ў сілах і сродках. Актыўна атакуе па ўсёй лініі фронту, на некаторых кірунках — мае тактычныя поспехі. Адбываецца дынамічная змена становішча, асобныя пазіцыі пераходзяць «з рук у рукі» некалькі разоў на працягу сутак, што спараджае неадназначнае разуменне сітуацыі», — піша галоўнакамандуючы ў тэлеграм-канале.

На Луганскім кірунку, піша Сырскі, расійскае войска галоўнай задачай ставіць выйсці на адміністрацыйную мяжу Луганскай вобласці.

На Купянскім кірунку расейцы сяродзілі сілы ў раёне вёсак Стэльмахоўка і Берастава. «Там вораг меў частковы поспех, але дзеяннямі нашых падраздзяленняў быў спынены», — адзначае Сырскі. Таксама расейцы працягваюць наступ на сяло Цярні на Ліманскім кірунку, спрабуюць выцесніць украінскія войскі за раку Чорны Жарабец.

«Найбольш складаная сітуацыя на Пакроўскім і Курахаўскім кірунках, дзе працягваюцца жорсткія баі. Праціўнік на гэтых кірунках задзейнічаў да чатырох брыгад, спрабуе развіць наступ на захад ад Аўдзееўкі і Мар'інкі, прабіваючыся да Пакроўска і Курахава. Падраздзяленні сіл абароны Украіны, захоўваючы жыццё і здароўе нашых абаронцаў, перамясціліся на новыя рубяжы на захад ад Бярдзічава, Сямёнаўкі і Новаміхайлаўкі.

У цэлым, на гэтых кірунках праціўнік дасягнуў пэўных тактычных поспехаў, але аператыўнай перавагі атрымаць не змог». 

Напружанай застаецца абстаноўка на поўдні, у Запарожскай і Херсонскай абласцях. На Новапаўлаўскім кірунку, адзначае Сырскі, расіская армія спрабуе наступаць у раёне Старамаёрскага, на Арэхаўскім — у раёнах Рабоціна і Вярбовага, на Херсонскім — спрабуе выбіць украінскія войскі з Крынак.

«Поспеху не мае ні на адным з кірункаў. Больш за тое, на Херсонскім кірунку нашым падраздзяленням удалося прасунуцца ў раёне Веліканскага і ўсталяваць кантроль над востравам Нестрыга», — дадае Сырскі.

Каментары4

  • Беларус
    28.04.2024
    Улад, “вызваляць” ад чаго, ад нармальнага жыцця? Паглядзі як рашысты знішчаюць украінскія гарады, зруйнавалі амаль усё, нават пасля нацысцкай акупацыі гарады выглядалі лепей чым пасля рашысцкага “вызвалення”.
  • Яська
    28.04.2024
    Улад, цябе пэўна ўжо ад мазгоў вызвалілі
  • Пучок
    29.04.2024
    Беларус, Товарищ комунист, при нацисткой оккупации города не разрушались. Под вашими комуняцкими бомбежками да.  

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Колькі зарабляюць кур'еры на аўто ў дастаўцы «Яндэкс» у Беларусі4

«Страціў сына ў пажары і знік сам». Шукаюць беларуса, які знік амаль 40 гадоў таму3

Трамп заявіў еўрапейскім лідарам і Зяленскаму, што Пуцін імкнецца да міру6

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча10

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць