AFP
Мюфа заваявала залаты, сярэбраны і бронзавы медалі Алімпійскіх гульняў у Лондане. 29 ліпеня 2012 г. яна праплыла дыстанцыю 400 метраў вольным стылем за чатыры хвіліны і 1,45 секунды, усталяваўшы алімпійскі рэкорд. Акрамя таго, яна атрымала залаты і пяць бронзавых медалёў на чэмпіянатах свету.
Усяго ў катастрофе загінулі 10 чалавек, з іх восем - грамадзяне Францыі. У ліку ахвяраў інцыдэнту, акрамя Мюфа, апынуліся знакамітая яхтсменка Фларэнс Арто і баксёр Алексіс Васцін.
Катастрофа адбылася днём у панядзелак, 9 сакавіка, у правінцыі Ла-Рыёха каля 1170 км на паўночны захад ад Буэнас-Айрэса. У паветры на вышыні каля 100 метраў сутыкнуліся два верталёты. Іх пасажырамі былі ўдзельнікі рэаліці-шоу, прысвечанага выжыванню ў экстрэмальных умовах.
AP
У тэлешоу Dropped на канале TF1 знакамітасцяў высаджваюць у аддаленых раёнах і затым паказваюць іх спробы здабыць ежу і прытулак.
«Мне сумна за маіх сяброў, я дрыжу, я ў жаху, у мяне няма слоў, нічога не хачу казаць», - напісаў у «Твітар» іншы ўдзельнік шоу, былы гулец «Арсенала» і зборнай Францыі Сільвэн Вільтор.
