Бі-бі-сі сустрэлася з былым кіраўніком Маскоўскай антыдопінгавай лабараторыі Грыгорыем Родчанкавым у засакрэчаным месцы. У рамках праграмы абароны сведак Родчанкаву нельга выдаваць месца жыхарства. Падчас інтэрв'ю ён быў у масцы: яму нельга паказваць твар з-за пагрозы з боку агентаў Масквы.
Міжнародны алімпійскі камітэт сёння сутыкнуўся з «найважнейшым момантам у сваёй гісторыі», кажа Родчанкаў. Арганізацыі трэба будзе вырашыць, ці змогуць расійскія спартсмены выйсці пад нацыянальным сцягам на цырымоніі закрыцця ў нядзелю.
«МАК павінен паказаць, што ён паслядоўны ў сваёй барацьбе з допінгам», — зазначае ён.
«Расійскія чыноўнікі адкідаюць усе абвінавачванні сцвярджаючы, што я хлус. Яны зняважылі ўсіх выкрывальнікаў, яны хлусілі перад судом, і калі сцяг дазволяць падняць, гэта будзе горшым рашэннем», — кажа Родчанкаў.
«Людзі разумеюць, чым займаецца МАК: фальсіфікацыяй барацьбы з допінгам. Гэта [дазвол падняць сцяг РФ] перакрэсліць усе мінулыя поспехі. Гэта поўнае грэбаванне меркаваннем камісій, усімі іх высновамі, і дакладам Макларэна», — мяркуе ён.
Родчанкаў зноў заявіў, што аб сістэме допінгу ў Сочы ведалі Уладзімір Пуцін і міністр спорту Віталь Мутко.
Урад Расіі адмаўляе існаванне допінг-схемы, аднак Родчанкаў настойвае, што пра яе было вядома ўсім. «Мне аднаму рабіць гэта было б немагчыма», — кажа ён.
«Безумоўна, я выконваў загады. Гэта была камандная праца. Калі патрэбна была каардынацыя, падключалася ФСБ. [Мутко] ведаў абсалютна ўсё, і ён паведамляў пра ўсё прэзідэнту. Я ведаю, што ён кантактаваў напрамую з Пуціным. Ён казаў мне пра гэта. Пуцін усё адмаўляе. Звычайная сітуацыя», - кажа Родчанкаў.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары