У Непале затрымалі дваіх маладых беларусаў з 6 кілаграмамі какаіну
21-гадовыя грамадзяне Беларусі Павел Васільеў і Аліна Алдошына былі затрыманыя 21 снежня ў аэрапорце Катманду за спробу правезці 6 кг какаіну, паведамляе Reform.by са спасылкай на непальскае Бюро па кантролі за наркотыкамі.
Беларусы накіроўваліся ў Ганконг. Наркотык быў схаваны ў падшэўках васьмі зімовых куртак ў іх багажы.
Пасля допыту яны прызналіся, што какаін ім перадалі двое грамадзян Балівіі. Раней беларусы і балівійцы не былі знаёмыя адно з адным. Балівійцы прыбылі ў Катманду з Бразіліі праз Эфіопію і Індыю 19 снежня разам з какаінам, а беларусы прыляцелі ў Непал з Беларусі праз Турцыю ў той жа дзень. Усе чацвёра сустрэліся ў гатэлі для перадачы наркотыку.
Па версіі прадстаўнікоў Бюро па кантролі за наркотыкамі, беларусы і балівійцы з'яўляюцца кур'ерамі бразільскай злачыннай групоўкі, якая займаецца кантрабандай какаіну па усімі свеце. Какаін называюць наркотыкам для багатых, таму Непал ў гэтай схеме толькі транзітная краіна.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары