Аляксандр Рыбак заняў у нарвежскім адборы на «Еўрабачанне» другое месца
Ураджэнец Мінска ездзіў двойчы на галоўны еўрапейскі музычны конкурс.
Аляксандр Рыбак заняў у нарвежскім адборы на «Еўрабачанне». што прайшоў на мінулым тыдні, другое месца.
Беларус выйшаў на сцэну са скрыпкай, якая ў 2009 годзе прынесла яму бліскучую перамогу ў Маскве.
Са сваёй песняй Rise ён атрымаў 66 балаў журы і 126 балаў тэлегледачоў, усяго 192 балы.
Выйграў нацыянальны адбор Ёнас Лоу з песняй Ya, ya, ya і 265 баламі (96+169).
Канкурсантка, што заняла трэцяе месца, набрала 127 балаў.
Аляксандр выйграў конкурс «Еўрабачанне» ў Маскве ў 2009 годзе з песняй Fairytale, набраўшы тады балаў больш за любую іншую песню ў гісторыі конкурсу. У 2018‑м ён зноў удзельнічаў у конкурсе і заняў 15‑е месца.
Таксама Нарвегія выйгравала «Еўрабачанне» ў 1985 годзе. Тады перамаглі «BobbySocks» з песняй La det swinge.
У 1995 годзе перамаглі Secret Garden з «Накцюрнам». Песня, напэўна, з'яўляецца рэкардсменам сярод пераможцаў на конкурсе — там усяго 24 словы. Большую частку кампазіцыі займае ігра на скрыпцы Фіянуалы Шэры.
Сёлета «Еўрабачанне» пройдзе ў Аўстрыі (фінал 16 мая). Ірландыя, Ісландыя, Іспанія, Нідэрланды і Славенія вырашылі не ўдзельнічаць у знак пратэсту супраць удзелу Ізраіля.
Беларусь не ўдзельнічае ў конкурсе з 2021 года. Тады гурт «Галасы з места» былі выключаны з-за палітычнага падтэксту песні, а з 2022 года Беларусь і Расія выключаны з-за вайны ва Украіне.
Найвышэйшым дасягненнем Беларусі на «Еўрабачанні» з'яўляецца 6‑е месца Дзмітрыя Калдуна ў 2007 годзе.
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй7
Каментары