Беларусь можа пачаць год без кантрактаў на пастаўкі нафты і газу. Лукашэнка і Пуцін больш за гадзіну гаварылі па тэлефоне, але пакуль не дамовіліся
Тэлефонная размова Лукашэнкі і Пуціна адбылася сёння, паведамляе БелТА.
У першай частцы гутаркі Аляксандр Лукашэнка і Уладзімір Пуцін абмяняліся цёплымі віншаваннямі з нагоды Новага года. Другая частка размовы доўжылася больш за гадзіну і была прысвечана ўзгадненню канкрэтных аб'ёмаў, тэрмінаў і цэн на пастаўкі вуглевадародаў і іншых відаў сыравіны.
Кіраўнікі дзяржаў абмеркавалі таксама нявырашаныя пытанні інтэграцыі.
«У выпадку калі да 1 студзеня гэтыя пытанні вырашыць не паспеюць, паводле дамоўленасцей кіраўнікоў дзяржаў, члены ўрадаў выпрацуюць кампрамісны прамежкавы варыянт умоў паставак нафты і газу ў нашу краіну, да канчатковага прыняцця рашэнняў прэзідэнтамі. Якія, у сваю чаргу, пры неабходнасці сустрэнуцца для абмеркавання і прыняцця гэтых рашэнняў пасля калядных святаў у сярэдзіне студзеня», — расказалі ў прэс-службе Лукашэнкі.
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку6262
Каментары