Здарэнне адбылося раніцай у суботу на вуліцы Шчорса, паведамляе афіцыйны прадстаўнік МУС Вольга Чамаданава ў сваім тэлеграм-канале.
У дварах па вул. Шчорса 49-гадовая жанчына на «Нісане» рухалася заднім ходам. Неўзабаве машына наехала на кусты і не змагла выбрацца з іх.
Супрацоўнікі ДАІ заспелі жанчыну на месцы здарэння. Па вонкавых прыкметах яна была п'яная, але ад праходжання медыцынскага агляду адмовілася.
Жанчына адхілена ад кіравання, аўтамабіль змешчаны на ахоўную стаянку. Праводзіцца праверка.
0
0
0
0
0
0