У Брэсцкай вобласці з'явіўся другі заражаны COVID-19. Пра дзяўчыну, што захварэла, Tut.by паведамілі чытачы.
Па словах чытачкі, каранавірус выявілі ў студэнткі з Віцебска, якая ляжала ў Цэнтральнай гарадской бальніцы Брэста.
— Яна прыехала дадому, трапіла ў шпіталь з падазрэннем на пнеўманію. Некалькі чалавек былі з ёй у палаце. Адна з яе суседак — супрацоўніца адной з медустаноў Брэста. Усіх ноччу перавезлі ў абласную «інфекцыёнку» [інфекцыйнае аддзяленне Брэсцкай абласной клінічнай бальніцы]. Бацькоў дзяўчыны — таксама, — распавяла чытачка.
Дзяўчыне 20 гадоў, вучыцца ў Віцебскім дзяржаўным медыцынскім універсітэце. Пасля пераходу ВНУ на дыстанцыйнае навучанне яна паехала ў Брэст. У тэлефоннай размове з Tut.by пацыентка пацвердзіла, што ў яе знайшлі каранавірус. Цяпер яна ў адзіночнай палаце інфекцыйнага аддзялення Брэсцкай абласной клінічнай бальніцы.
Каментары