Amnesty International запатрабавала ад беларускіх уладаў раскрыць месца знаходжання Калеснікавай
Беларускія ўлады павінны неадкладна раскрыць лёс і месцазнаходжанне лідаркі апазіцыі Марыі Калеснікавай і неадкладна вызваліць яе, заявіла 8 верасня міжнародная праваабарончая арганізацыя Amnesty International.
«Беларускія ўлады ўчынілі арышт, падобны да выкрадання, каб расправіцца са сваімі апанентамі. Па словах сведак, Марыю Калеснікаву проста зацягнулі ў фургон людзі ў масках. Такім чынам яна стала апошняй у доўгай чарадзе крытыкаў урада, якія зніклі падобным чынам за апошнія 20 гадоў», — заявіла Мары Стразерс, дырэктарка Amnesty International па Усходняй Еўропе і Цэнтральнай Азіі.
«Мы заклікаем да неадкладнага вызвалення Марыі Калеснікавай і спынення кампаніі запалохвання і палітычнага пераследу праціўнікаў адміністрацыі Аляксандра Лукашэнкі. Яе выкраданне рушыла ўслед за сотнямі новых арыштаў актывістаў у мінулую нядзелю, запалохваннем навучэнцаў школ і ўніверсітэтаў і гвалтоўным выгнаннем з краіны лідараў пратэсту. Мы патрабуем вяртання да вяршэнства закона і поўнай павагі да правоў чалавека ў Беларусі», — дадала яна.
Каментары