Дыпламаты пасольстваў Венгрыі, Польшчы, Славакіі і Чэхіі перададуць гуманітарны груз — сродкі індывідуальнай аховы ад каранавіруснай інфекцыі —фінансаваны міжнародным Вышаградскім фондам, прадстаўнікам Дабрачыннага каталіцкага таварыства Карытас для неадкладнай перадачы ў бальніцы ў раёнах Чэрвень і Беразіно.
У красавіку 2020 года міністры замежных спраў Венгрыі, Польшчы, Славакіі і Чэхіі ўзгаднілі фінансавую падтрымку з запасаў Міжнароднага Вышаградскага фонду для краін Усходняга партнёрства ЕС у барацьбе з COVID-19. Была створана праграма V4 East Solidarity і ў якасці партнёра ў Беларусі была абраная рэлігійная місія «Дабрачыннае каталіцкае таварыства Карытас».
З дапамогай спецыялістаў таварыства Карытас быў складзены спіс самых неабходных сродкаў індывідуальнай аховы. Такім чынам, былі распаўсюджаны тысячы аднаразовых медыцынскіх масак, рэспіратараў другога і трэцяга класа, аднаразовых і шматразовых камбінезонаў, халатаў, шапак, бахілаў, а таксама рэцыркулятары паветра, бактэрыяльныя апрамяняльнікі, тэрмометры, пульсаксіметры і сотні літраў сродку для дэзінфекцыі рук і паверхняў.
У рамках праекта рэалізуецца таксама дапамога для прыватных асоб, якім прадастаўляецца набор бытавой хіміі і сродкаў індывідуальнай аховы.