Чэхія вышле 18 расійскіх дыпламатаў і абвясціла ў вышук Пятрова і Башырава. Падазраюць іх датычнасць да выбухаў у 2014-м
МЗС Чэхіі заявіла пра высылку 18 расійскіх дыпламатаў, паведамляе выданне Novinky са спасылкай на міністра замежных спраў краіны Яна Гамачэка, піша РБК.
Па яго словах, гэтыя людзі былі ідэнтыфікаваныя як супрацоўнікі ГРУ і Службы знешняй разведкі (СВР). Дыпламатам далі 48 гадзін на тое, каб пакінуць Чэхію.
Пасольства Расіі ў Празе паведаміла, што чэшскі бок апавясціў расійскі аб высылцы супрацоўнікаў дыпмісіі.
Таксама паліцыя Чэхіі абвясціла ў вышук меркаваных супрацоўнікаў ГУ Генштаба Мінабароны (былое ГРУ) Аляксандра Пятрова і Руслана Башырава, гаворыцца ў паведамленні ведамства. Іх жа брытанская разведка падазравала ў датычнасці да атручвання былога расійскага выведніка Сяргея Скрыпаля і ягонай дачкі Юліі ў Солсберы.
Вышук абвешчаны «ў сувязі з расследаваннем абставінаў цяжкага злачынства».
Паведамляецца, што ў кастрычніку 2014 года і, у прыватнасці, 16 кастрычніка, яны прыязджалі ў Прагу, затым — у Злінскі край.
16 кастрычніка 2014 года ў вёсцы Врбеціцэ Злінскага края адбылася серыя выбухаў на складах боепрыпасаў. У суботу, 17 красавіка, прэм'ер-міністр Чэхіі Андрэй Бабіш заявіў, што Прага выявіла расійскі след у арганізацыі выбухаў.
Памілаваныя 15 чалавек, сярод якіх 13 палітвязняў15
Каментары