ЕС шкадуе, што Беларусь прыняла рашэнне ў адказ на санкцыі Брусэля пакінуць праграму «Усходняга партнёрства». Пра гэта заявіла ў панядзелак ТАСС прадстаўніца замежнапалітычнай службы ЕС Набіла Масралі.
«Еўрасаюз шкадуе аб рашэнні рэжыму Лукашэнкі прыпыніць свой удзел у праграме «Усходняга партнёрства». Гэтая праграма накіравана на ўмацаванне адносін паміж Еўрасаюзам і краінамі-партнёрамі», — заявіла яна, выказаўшы меркаванне, што гэта рашэнне «з'яўляецца дэманстрацыяй пагарды да беларускага народа».
Паводле яе слоў, Еўрасаюз лічыць заклік Мінска адклікаць для кансультацый пасла Еўрасаюза з Беларусі «крокам да самаізаляцыі» і заклікае захаваць адкрытымі каналы для камунікацыі.
«Настойваючы, каб кіраўнік місіі ЕС у Беларусі быў адкліканы для кансультацый у Брусэль, беларускія улады зрабілі яшчэ адзін крок да самаізаляцыі, — заявіла яна. — Захаванне каналаў камунікацыі адкрытымі мае вырашальнае значэнне ў момант крызісу».
У сваю чаргу кіраўнік еўрапейскай дыпламатыі Жазэп Барэль заявіў, што Еўрасаюз гатовы працягваць супрацоўніцтва з беларускім народам.
«Нягледзячы на рашэнне рэжыму Лукашэнкі прыпыніць удзел Беларусі ва «Усходнім партнёрстве», мы гатовыя працягваць працаваць з беларускім народам для ўмацавання сувязяў, развіцця рэгіянальнага супрацоўніцтва і вырашэння агульных праблем», — напісаў дыпламат.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары