Зюганаў заявіў, што ўвосені ў Расіі можа адбыцца аналаг Лютаўскай рэвалюцыі 1917 года
З аднаго боку, чыста расійскі сюр: нібыта-камуніст б’е трывогу, што краіне пагражае паўтор рэвалюцыі. З другога боку, яўныя прыкметы, што палёным запахла не толькі ў Туапсэ, але ў Маскве.
Старшыня ЦК КПРФ Генадзь Зюганаў выказаў здзіўленне наконт добразычлівай рэакцыі Крамля на відэаролік расійскай поп-зоркі Вікторыі Боні, у якім яна раскрытыкавала ў тым ліку блакіроўкі інтэрнэту і папярэдзіла пра рост незадаволенасці людзей.
«Калі вы тэрмінова не скарэктуеце прынцыповым чынам курсу, то ўвосень нас можа чакаць тое, што здарылася ў лютым 1917-га», — заявіў Зюганаў у эфіры канала «Россія».
Варта толькі дадаць: калі спадар Трамп адкруціць уніз цэны на нафту, якія пасля бамбёжак Ірана ўзляцелі да нябёс у той самы момант, калі ў Расіі сталі сканчацца грошы.
Каментары