Сёння ў судзе Савецкага раёна Мінска мусіў адбыцца працяг суда над палітзняволеным Сцяпанам Латыпавым, але працэс не адбыўся. На пачатку паседжання стала дрэнна адвакатцы Сцяпана, ёй выклікалі хуткую.
Медыкі аказвалі ёй медыцынскую дапамогу ў залі суда каля паўгадзіны. Пасля гэтага ў судзе абвясцілі перапынак да заўтра, 5 жніўня, да 10:00, паведамляюць праваабаронцы
Учора на судзе над Сцяпанам скончылі вывучаць пісьмовыя матэрыялы справы (13 тамоў), дапыталі праз відэаканферэнцсувязь сведак па ч. 4 арт. 209 наконт кампаніі «Беларба», у якой Латыпаў з'яўляецца дырэктарам.
Усе дапытаныя сведкі не мелі прэтэнзій да якасці і тэрмінаў працы арганізацыі і яе супрацоўнікаў.
На працэсе праглядзелі відэа затрымання Сцяпана на «Плошчы Перамен». У судзе таксама пачалі праслухоўваць тэлефонныя размовы палітвязня, якія спецслужбы запісвалі з чэрвеня 2020 года.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары