Крыніцы: былога начальніка Ганцавіцкага РАУС спачатку адправілі ў калгас, а адтуль забралі ў Навінкі
Начальніка Ганцавіцкага РАУС, 43-гадовага Віталя Куляшова, знялі з пасады ў жніўні. Ён прабыў у крэсле начальніка менш за два гады. Як стала вядома «Нашай Ніве», пасля адстаўкі Куляшова паставілі кіраўніком сельскагаспадарчага прадпрыемства. А нядаўна накіравалі ў РНПЦ псіхічнага здароўя, што ў Навінках.
Як стала вядома «Нашай Ніве», Куляшова адправілі кіраваць сельскагаспадарчым прадпрыемствам у Столінскім раёне, бо па першай адукацыі Куляшоў — ветэрынар: у 2000 годзе ён скончыў Віцебскую акадэмію ветэрынарнай медыцыны.
Ці працаваў ён па прафесіі, невядома, але з верасня 2000 года пачаў кар'еру ў міліцыі.
«Ужо на працы ў калгасе Куляшоў ці то здзейсніў спробу суіцыду, ці то публічна абвясціў, што мае намер такое зрабіць — як вынік, яго адправілі на абследаванне ў Навінкі, — тлумачаць абазнаныя.
Да таго як стаць кіраўніком Ганцавіцкага РАУС, Куляшоў быў намеснікам начальніка Столінскага РАУС. Ён узначальваў міліцыю грамадскага парадку. Большую частку прафесійнага жыцця праслужыў у Баранавічах. А запомніўся Куляшоў тым, што кіраваў брутальнымі затрыманнямі ў Ганцавічах падчас мірных акцый пратэсту.
Цяпер чытаюць
Пачобут паразважаў, ад чаго залежыць будучыня Беларусі8
Каментары