Грамадства

Бяздомны з Мінска, які адседзеў 130 сутак за «несанкцыянаванае пікетаванне», цяпер пад крыміналкай

У Следчым камітэце заявілі, што ўзбудзілі дзве справы паводле артыкула 342-2 Крымінальнага кодэкса за «неаднаразовае парушэнне парадку правядзення масавых мерапрыемстваў». Гэта першыя вядомыя выпадкі прымянення гэтага артыкула пасля таго, як улетку гэтага года былі ўнесеныя змены ў Крымінальны кодэкс.

Цяпер гэты артыкул прадугледжвае адказнасць у выглядзе арышту, абмежавання ці пазбаўлення волі тэрмінам до трох гадоў.

Хоць Следчы камітэт пакуль не называе імён і прозвішчаў абвінавачаных, пад апісанне аднаго з іх цалкам падыходзіць 59-гадовы бяздомны з Мінска Аляксандр Кутас, якога ў гэтым годзе ўжо 10 разоў кідалі на «суткі» па арт. 24.23 КаАП (несанкцыянаванае пікетаванне). На Акрэсціна Кутас правёў мінімум 130 сутак арышту. А дагэтуль ён адбыў 22 гады ў месцах пазбаўлення волі.

Звычайнае месца затрымання Аляксандра — станцыя метро «Каменная Горка». Пратаколы на яго складаліся за плакаты, на якіх звычайна быў намаляваны сцяг БССР і напісаныя просьбы аб дапамозе. Але аднойчы яго затрымалі за БЧБ-плакат з надпісам: «Вярніце мне дзяцінства, юнацтва мне вярніце, і першае каханне. Дапамажыце забыць лагера і няхай жыве Народная Рэспубліка Беларусь»

У Беларусі сілавікі часта падсажваюць бяздомных людзей да «палітычных» арыштантаў, каб пагоршыць умовы іх утрымання. Як правіла, у іх вошы і іншыя праблемы з гігіенай, часам псіхічныя захворванні. Але, па сведчаннях сукамернікаў Кутаса, Аляксандр тут выключэнне. Ён вельмі акуратны, а перад сном нават чытаў ім свае ўласныя вершы.

Праваабаронцы ўжо адзначылі, што ў сувязі з пераследам па новым крымінальным артыкуле Аляксандр Кутас будзе прызнаны палітзняволеным: палітычныя падставы яго пераследу відавочныя.

Другая крымінальная справа па гэтым артыкуле заведзена на 48-гадовую жанчыну. Яе месцазнаходжанне цяпер высвятляецца.

Бяздомны з Мінска ўжо адбыў каля 80 сутак. Учора яго арыштавалі яшчэ на 20 за БЧБ-плакат

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка12

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка

Усе навіны →
Усе навіны

«Як я цябе магла адпусціць у гэты жахлівы бой?» Ала Пугачова выпусціла дзве песні пра вайну6

Вось так выглядае самая танная аднапакаёвая кватэра ў Мінску. Яе аддаюць з мэбляй за $46 тысяч2

У Шакуціна забралі гаротны даўгабуд «Шантэр Хіл» каля Драздоў2

Памёр акцёр Вэл Кілмер3

Трамп лічыць, што Расія спецыяльна зацягвае перамовы з Украінай3

Мінчук Жэрар, камандзір падраздзялення «Тур», расказаў, як аднойчы ледзь не загінуў пад Мікалаевам, а другі раз — пад Бахмутам2

Рыэлтарка з Томска расказала пра «бізнэс-план», як жанчыне хутка набыць кватэру. Z-супольнасць у абурэнні14

На сайце МУС ужо нельга праверыць забарону на выезд з Беларусі4

«Людзі павінны цікавіцца палітыкай». Чатыры гісторыі пра Лукашэнку, Рычарда Пайпса, савецкага разведчыка і веру ў свой народ5

больш чытаных навін
больш лайканых навін

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка12

Фёдар Віктаравіч і «Віктар Фёдаравіч». Супрацоўнік «Варгеймінга» мае пашпарт прыкрыцця. Яго жонка Вольга Сямашка — вядомая журналістка

Галоўнае
Усе навіны →

Заўвага:

 

 

 

 

Закрыць Паведаміць