Апублікавалі справаздачу аб выкарыстанні зброі для разгонаў пратэстаў
Міжнародная федэрацыя за правы чалавека (FIDH) апублікавала даклад пад назвай «Пастаўкі інструментаў рэпрэсій у Беларусь. Незаконнае выкарыстанне зброі для разгонаў дэманстрацый у парушэнне правоў чалавека».
У дакладзе аналізуецца менш смяротная і агнястрэльная зброя, якая выкарыстоўваецца для падаўлення мірных пратэстаў, а таксама яе закупкі і прымяненне, прыводзіцца агляд магчымых шляхоў паставак і прымянення, а таксама аналізуюцца шляхі прыцягнення да адказнасці дзяржаў і кампаній.
«Пасля жорсткіх разгонаў пратэстаў у Беларусі [пачынаючы са жніўня 2020 года], журналісты і арганізацыі грамадзянскай супольнасці задакументавалі выкарыстаныя патронныя гільзы з гумавымі кулямі, святлашумавыя і іншыя боепрыпасы, якія ўжываліся супраць пратэстоўцаў, вырабленыя ў асноўным у Расіі і краінах ЕС. Акрамя таго,
супрацоўнікі атрадаў асаблівага прызначэння былі ўзброеныя агнястрэльнай зброяй замежнай вытворчасці, якая, магчыма, была дастаўленая ў Беларусь у парушэньне эмбарга ЕС на пастаўкі зброі ў Беларусь ад 2011 г. і іншых міжнародных абавязацестваў», — гаворыцца ў дакладзе FIDH.
Паведамляецца, што сярод іншага, былі выкарыстаныя наступныя віды зброі:
«Праваабарончы цэнтр «Вясна» і іншыя арганізацыі грамадзянскай супольнасці зафіксавалі пранікаючыя агнястрэльныя раненні, пераломы касцей, страту зроку і іншыя сур’ёзныя траўмы, — зазначае Павел Сапелка, юрыст «Вясны», сябра FIDH у Беларусі. — Непрапарцыйнае прымяненне сілы супраць мірных пратэстоўцаў з'яўляецца непрымальным абмежаваньнем права на мірныя сходы і права на свабоду выказвання думак».
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары