Спецназаўскі генерал пра падпалкоўніка Сахашчыка: Вы прадаліся «полякам» і немцам, бо ў іх харч смачнейшы
Камандуючы сіламі спецыяльных аперацый Узброеных сілаў Беларусі генерал-маёр Вадзім Дзенісенка адказаў на нядаўні відэазварот падпалкоўніка ПДВ запасу, заснавальніка руху «Чорны арол» і былога камандзіра вядомай сярод спецназаўцаў 38-й гвардзейскай мабільнай брыгады Валерыя Сахашчыка. У сваім звароце аўтарытэтны былы спецназавец выступіў супраць удзелу беларускіх вайскоўцаў у вайне з Украінай.
Генерал-маёр Вадзім Дзенісенка. Скрын з відэа.
Тэзісы Дзенісенкі ў адказ немудрагелістыя. Да разбору сутнасці аргументаў Сахашчыка ён не звяртаўся, ягоная зброя — толькі асабістыя выпады. Асноўныя палажэнні двуххвіліннага выступлення генерала:
- Сахашчык прадаўся «полякам» і немцам, бо ў іх «харч смачнейшы»;
- Сахашчык мусіць перастаць згадваць пра 38-ю брыгаду, у якой служыў і якой камандаваў, зняць цяльняшку і берэт, бо нібыта ўсё гэта зганьбаваў. Хай надзене малінавы берэт і звычайную майку і тады гаворыць што хоча.
А таксама апеляцыя да гонару і сумлення і што «бог вам суддзя».
Чытайце таксама:
«Гэта не наша вайна!» Легендарны камандзір брэсцкіх дэсантнікаў звярнуўся да беларускіх вайскоўцаў
Папулярны тыктокер з Расіі тусіць у дарагіх рэстаранах Мінска: «Быццам бамжу падалі. Жарыце, на здароўе»22
Каментары