83% грамадзян Украіны хочуць, каб украінская была адзінай дзяржаўнай мовай
Апытанне: 83% грамадзян Украіны хочуць, каб украінская была адзінай дзяржаўнай мовай, траціна рускамоўных гатовая перайсці выключна на ўкраінскую ў побыце.
Украінская сацыялагічная група «Рэйтынг» правяла чарговае апытанне аб моўных перавагах украінцаў і прыйшла да высновы, што ўсё больш грамадзян краіны маюць намер пераходзіць на ўкраінскую. Апытанне праводзілася ва ўсіх рэгіёнах Украіны, акрамя часова акупаваных тэрыторый і Крыма, у ім прынялі ўдзел 1000 чалавек.
Як адзначаюць сацыёлагі, з 2012 па 2022 год доля людзей, якія лічаць рускую мову сваёй роднай,
скарацілася ва Украіне з 42% да 20%.
Дзве траціны тых, хто лічыць сябе дзвюхмоўным, сказалі, што ў будучыні плануюць перайсці выключна на ўкраінскую мову, а сярод рускамоўных — траціна. 83% выступаюць за тое, каб адзінай дзяржаўнай мовай Украіны была ўкраінская.
Гэты пункт гледжання дамінуе ва ўсіх рэгіёнах краіны і ва ўсіх моўных і ўзроставых групах.
Пры гэтым 67% апытаных лічаць, што моўнай праблемы ва Украіне не існуе, і толькі 2% вераць расійскім сцвярджэнням аб тым, што армія, якая ўварвалася, прыйшла абараняць правы рускамоўных грамадзян Украіны.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары