МАГАТЭ: Cітуацыя ў Чарнобылі пасля захопу яе расіянамі «вельмі небяспечная»
Кіраўнік МАГАТЭ Рафаэль Гросі заявіў, што пасля захопу расіянамі ўзровень радыяцыі ў раёне Чарнобыльскай атамнай электрастанцыі станцыі павышаны, і ён лічыць сітуацыю «вельмі небяспечнай».
Гросі прыехаў на ЧАЭС у аўторак, у гадавіну катастрофы, якая адбылася на станцыі ў 1986 годзе.
«Узровень радыяцыі, я б сказаў, ненармальны. Былі моманты, калі ўзровень павышаўся праз рух цяжкай тэхнікі, якую расійскія сілы ўводзілі сюды, і калі яны яе выводзілі. Мы сочым за гэтым у штодзённым рэжыме», — цытуе Гросі агенцтва «Франс-прэс».
Расійскія войскі занялі тэрыторыю Чарнобыльскай АЭС у першы дзень уварвання, 24 лютага, а сышлі з яе ў канцы сакавіка.
Як кажуць прадстаўнікі Украіны, узровень радыяцыі ў раёне станцыі павышаўся, у прыватнасці, з-за таго, што тэхніка развярнула верхні пласт глебы; акрамя таго, па звестках украінцаў, расійскія салдаты абкопваліся і падоўгу сядзелі ў плямах радыяцыйнага забруджвання, у прыватнасці, у знакамітым Рудым лесе каля станцыі, і маглі атрымаць небяспечныя дозы радыяцыі.
Цяпер чытаюць
Памятаеце былога памежніка, які стаў дальнабойшчыкам і ў Германіі прызнаваўся ў любові да Лукашэнкі? З ім бяда16
Каментары